မြန်မာနိုင်ငံအနေနဲ့ အမျိုးသမီးများအား နည်းမျိုးစုံဖြင့် ခွဲခြားမှု ပပျောက်ရေးဆိုင်ရာ ကုလသမဂ္ဂသဘောတူစာချုပ် (UNCEDAW) ကိုလက်မှတ်ရေးထိုးပြီး အဖွဲ့ဝင် နိုင်ငံတစ်နိုင်ငံဖြစ်ကြောင်းသိရှိရပါတယ်ရှင်။ အမျိုးသမီးများအတွက် ရပိုင်ခွင့်များအကာအကွယ် ပေးရေးနှင့် အဆင့်မြှင့်တင်ခြင်းဆိုင်ရာ လူမှုကာကွယ်စောင့်ရှောက်မှုလုပ်ငန်းနှင့်ပတ်သက်ပြီး UN အဖွဲ့အစည်းများနှင့်ပူးပေါင်းပြီး ကျွန်မတို့မြန်မာနိုင်ငံဟာ Women Friendly Space များ ထူထောင် ခြင်းနှင့်အတူ Counseling Centre များကိုဖွင့်လှစ်ပြီး အမျိုးသမီးများရဲ့ဘဝကိုမြှင့်တင်ပေး လျက်ရှိတာကိုအကြမ်းဖျင်းအားဖြင့် ကျွန်မသိရှိရပါတယ်။  ဒါကြောင့် မြန်မာနိုင်ငံအတွင်းမှာမှီတင်းနေ ထိုင်ကြတဲ့ ကျွန်မတို့မြန်မာအမျိုးသမီး သန်း ၃၀ ခန့်သိရှိနိုင်ရေးအတွက်ရပိုင်ခွင့်များ၊ အကာအကွယ် ပေးရေးများနှင့် အဆင့်မြှင့်တင်ခြင်းဆိုင်ရာအမျိုးသမီးများအတွက်လူမှု ကာကွယ်စောင့်ရှောက်မှုနှင့် ပတ်သက်ပြီးမည်သည့်အတိုင်းအတာအထိ ဆောင်ရွက်ပြီးစီးကြောင်းသိရှိလိုပါတယ်ရှင်။ ဆက်လက်ပြီး တော့လည်း ယခုဒီစနစ်မှာ မည်ကဲ့သို့ဆက်လက်ဆောင်ရွက်နေကြောင်းကိုလည်း သိရှိလိုတဲ့အတွက် လွှတ်တော်ဥက္ကဋ္ဌကြီးမှတစ်ဆင့် ပြန်လည်ဖြေကြားပေးပါရန် မေးမြန်းပါသည်။