(ဇ)-ရန်ကုန်တိုင်းဒေသကြီး၊ မှော်ဘီမြို့နယ်အတွင်းရှိ တိုက်ကြီးမြို့နယ်နှင့် ထန်းတပင်မြို့နယ်များသို့ ဆက်သွယ်ထားသော အရှည် ၂.၅ မိုင်ရှိ ကျောက်ကြမ်းလမ်းအား ကတ္တရာလမ်းအဖြစ်အဆင့်မြှင့်တင် ဆောင်ရွက်ပေးရန်နှင့်စပ်လျဉ်းသည့်မေးခွန်း
2020-12-22
ရန်ကုန်တိုင်းဒေသကြီး၊ မှော်ဘီမြို့နယ်အတွင်းရှိ မြို့ချောင်းလမ်းဟာ ရန်ကုန်-ပြည်လမ်းက နေပြီးတော့ မြို့ချောင်းတံတားအထိ ၂.၅ မိုင် ရှည်လျားပါတယ်။ ၎င်းလမ်းဟာ တိုက်ကြီးမြို့နယ်၊ ထန်းတပင်မြို့နယ်များအထိ ဆက်သွယ်သွားလာနိုင်တဲ့လမ်းမကြီးတစ်ခုလည်းဖြစ်ပါတယ်။ ယခုအခါ အဲဒီလမ်းတွေဟာပျက်စီးနေပြီး၊ ၁ မိုင်မှာကတ္တရာလမ်းခင်းပြီးဖြစ်ပါတယ်။ ကျန် ၁.၅ မိုင်မှာ ခင်းရန် ကျန်ရှိနေပါတယ်။ ၎င်းလမ်းဟာ အခုအချိန်မှာ အလွန်ပျက်ယွင်းနေပါသဖြင့် မော်တော်ယာဉ် များသွားလာရန် အခက်အခဲနဲ့ကြုံတွေ့နေရပါတယ်။ သို့ဖြစ်ပါ၍ ကျန် ၁.၅ မိုင်ကိုကတ္တရာလမ်း အဖြစ်အဆင့်မြှင့်တင်ဆောင်ရွက်ပေးရန်အစီအစဉ် ရှိ၊မရှိ နဲ့ ဆောင်ရွက်ပေးရန်ရှိပါက မည်သည့် ကာလတွင်ဆောင်ရွက်ပေးမည်ဖြစ်ကြောင်းကို သိလိုကြောင်း မေးမြန်းပါသည်။