လယ်ဝေးမြို့နယ်အတွင်းရှိ မင်းပြင်၊ ဒလန့်ချွန်၊ ချောင်းခွ၊ အေးချမ်းသာကျေးရွာ များဟာ လမ်းပန်းဆက်သွယ်ရေးခက်ခဲတဲ့ ဒေသဖြစ်ပါတယ်။ မင်းပြင်နှင့် ဒလန့်ချွန်ကျေးရွာများမှာ အလယ်တန်းကျောင်းခွဲများရှိပြီးတော့ ချောင်းခွကျေးရွာနှင့် အေးချမ်းသာကျေးရွာတို့တွင်လည်း မူလတန်းလွန်ကျောင်းများသာရှိပါတယ်။ ယင်းဒေသကျေးရွာများရှိ ကျောင်းသား၊ ကျောင်းသူများဟာ အလယ်တန်းကျောင်းအဆင့်အောင်မြင်ပြီးလျှင် အထက်တန်းကျောင်းရှိရာသို့ သွားရောက်ပညာ သင်ကြားရန်အခက်အခဲရှိသည့်အတွက် လမ်းပန်းဆက်သွယ်ရေးခက်ခဲတဲ့ ၎င်းကျေးရွာများမှာ အထက်တန်းကျောင်း သို့မဟုတ် အထက်တန်းကျောင်းခွဲများအဖြစ် အဆင့်တိုးမြှင့်ဖွင့်လှစ်ပေးနိုင်ခြင်း ရှိ၊ မရှိ သိရှိလိုကြောင်း မေးမြန်းပါသည်။