(င)-တောင်းရမ်းစားသောက်သူများ ပပျောက်နေရေးနှင့် စပ်လျဉ်းသည့်မေးခွန်း
နိုင်ငံတော်အစိုးရမှ ကျေးလက်ဒေသဖွံ့ဖြိုးရေးနှင့် ဆင်းရဲနွမ်းပါးမှုလျှော့ချရေးအတွက် ဆောင်ရွက်နေ ချိန်တွင် ရန်ကုန်မြို့အပါအဝင်မြို့ကြီးများ၌ တောင်းရမ်းစားသောက်သူများမှ အုပ်စုဖွဲ့၍မီးပွိုင့်များ၊ ဈေးများနှင့် လူစည်ကားရာနေရာများတွင် ကျယ်ကျယ်ပြန့်ပြန့် တောင်းရမ်းစားသောက်နေကြပါ တယ်။ ထိုအပြုအမူများသည် လူငယ်၊ လူရွယ်များ စာရိတ္တမဏ္ဍိုင်ပျက်ပြားစေခြင်း၊ မြို့အင်္ဂါရပ်ကို ထိခိုက်စေခြင်းများ ဖြစ်ပေါ်စေပါတယ်။ ဒါကြောင့် နိုင်ငံတော်အစိုးရမှ ချမှတ်ဆောင်ရွက်နေတဲ့ ကျေးလက်ဒေသဖွံ့ဖြိုးရေးနှင့် ဆင်းရဲနွမ်းပါးမှုလျှော့ချရေး အစီအစဉ်တွင် တောင်းရမ်းစားသောက် သူများပပျောက်ရေးအတွက် ခေါင်းစဉ်တစ်ခုအနေဖြင့် ထပ်မံတိုးချဲ့ထည့်သွင်း ဆောင်ရွက်ပေးနိုင်မယ့် အစီအစဉ် ရှိ၊ မရှိ။ ရှိပါက မည့်သည့်ကာလမှစတင်ပြီး ဆောင်ရွက်နိုင်မည်၊ မရှိပါက မည်သည့် အတွက်ကြောင့် မဆောင်ရွက် ပေးနိုင်သည်ကို သိလိုပါကြောင်း မေးမြန်းပါသည်။