(ဃ)-မြဝတီ-ဘားအံလမ်းပိုင်းနှင့်စပ်လျဉ်းသည့်မေးခွန်း
မြန်မာနိုင်ငံရဲ့စီးပွားရေးအချက်အခြာ ကျပြီး ရန်ကုန်မြို့နဲ့ ဆက်သွယ်နိုင်တဲ့ နယ်စပ်ဝင်ပေါက်များအနက် မြဝတီ-ဘားအံ-ရန်ကုန်လမ်းဟာ အတိုဆုံးလမ်းဖြစ်ပါတယ်။ စီးပွားရေးကဏ္ဍကကြည့်မယ်ဆိုရင် မဟာဗျူဟာမြောက်လမ်းဖြစ်တာ မည်သို့မှမငြင်းဆိုနိုင်သောအချက်ဖြစ်ပါတယ်။ မြဝတီ-ဘားအံ-ရန်ကုန်လမ်း တစ်လျှောက်ကိုကြည့်ရင် ဘားအံ-ရန်ကုန်လမ်းသည် အလွန်အဆင်ပြေစွာသွားလာနိုင်ပြီဖြစ်သဖြင့် ငါးနာရီ၊ ခြောက်နာရီအတွင်း ခရီးပေါက်နိုင်ပြီဖြစ်ပါတယ်။ ဒါကိုလည်း ဒေသခံများက နိုင်ငံတော်အပေါ်အလွန်ကျေးဇူးတင် နေကြောင်းသိရှိရပါတယ်။ မြဝတီ-ဘားအံခန့်မှန်း မိုင် ၁၀၁ မိုင်ကတော့ ယခုမိုးရာသီမှာ ပို၍ပင် အခြေအနေဆိုးလာတာတွေ့ရပါတယ်။ သို့ဖြစ်ပါ၍ မြဝတီ-ဘားအံလမ်းပိုင်းအား-
(၁) မည်သည့်ကုမ္ပဏီ သို့မဟုတ် ပြည်သူ့ဆောက်လုပ်ရေးလုပ်ငန်းမှ တာဝန်ယူဆောက် လုပ်နေကြောင်း၊
(၂) စီမံကိန်းစတင်ချိန်နှင့် ပြီးဆုံးချိန်ကိုသိလိုပါကြောင်း၊
(၃) နှစ်ရှည်လုပ်ငန်းပြီးဆုံးရမယ့်ပမာဏနှင့် အရည်အသွေးစိစစ်ကြီးကြပ်မှု ရှိ၊ မရှိနှင့်
(၄) စီမံကိန်းမပြီးမီ လမ်းအသုံးပြုခကောက်ခံ၍ ရ၊ မရ သိလိုပါကြောင်း မေးမြန်းပါသည်။