နိုင်ငံတော်ကဖွင့်လှစ်ရောင်းချတဲ့ အောင်ဘာလေထီဟာ တစ်စောင်လျှင် သတ်မှတ်ဈေး ၂၀၀ ကျပ် ဖြစ်ပါတယ်။ ဒါပေမယ့် ဈေးကွက်ထဲမှာတစ်စောင်လျှင် ၃၅၀ ကျပ်ဖြစ်နေပါ တယ်။ နယ်မှာတစ်စောင်ချင်းဝယ်ယူကံစမ်းဖို့က အခက်အခဲရှိပါတယ်။ ပုဂ္ဂလိက အရောင်းဆိုင်ရောက် တဲ့အခါမင်္ဂလာစုံတွဲကစပြီး ဂဏန်းတူ၊ အက္ခရာတူ ပုံစံမျိုးစုံနဲ့ရောင်းချနေပါတယ်။ ၂၉-၈-၂၀၁၁ မြန်မာ့ အလင်းသတင်းစာ ပြည်တွင်းလူမှုစီးပွား သတင်းပဒေသာကဏ္ဍမှာ ထီဈေးနှုန်းတွေကို ဖော်ပြထားတာ တွေ့ရှိရပါတယ်။ အားလုံးလည်းအသိဖြစ်ပါတယ်။ ဒါကြောင့် အခြေခံလူတန်းစားများ အောင်ဘာလေ ထီကံစမ်းဖို့ဟာ တော်တော်အခက်အခဲရှိပါတယ်။ ဒီအကျိုးဆက်ကြောင့် အစိတ်ဖိုး၊ ငါးဆယ်ဖိုး၊ တစ်ရာဖိုးကြိုက်သလိုထိုး၊ တစ်နေ့ကိုသုံးကြိမ်၊ တစ်ပတ်မှာငါးရက်၊ ၁၅ ရက်တစ်ကြိမ်၊ လွယ်လွယ်ကူကူ ထိုးလို့ရတဲ့ လောင်းကစားဘက်ကိုရောက်သွားပါတယ်။ လောင်းကစားရဲ့ဆိုးကျိုးဟာ အခြေခံလူတန်း စားများမှာ ပိုမိုပြီးတော့ဖြစ်လေ့ရှိပါတယ်။ အခြေခံလူတန်းစားထဲမှ ဝမ်းတူးအလွှာ ဆိုတာပေါ်လာ ခြင်းဟာလောင်းကစားရဲ့ဆိုးကျိုးကြောင့်ဖြစ်ပါတယ်။ အခုဆိုရင် လောင်းကစားပပျောက်ရေးစီမံချက် များကျေးလက်ဒေသဖွံ့ဖြိုးရေးနဲ့ ဆင်းရဲနွမ်းပါးမှုလျှော့ချရေး ဆောင်ရွက်နေချိန်ဖြစ်တဲ့အတွက်ကြောင့် (၁) အောင်ဘာလေထီတစ်စောင်လျှင် ၂၀၀ ကျပ်နှင့် အများပြည်သူ လွယ်လွယ်ကူကူဝယ်ယူနိုင်ရေး အစီအစဉ်၊ (၂) လက်ရှိဆုကြေးကျပ်သိန်းတစ်ထောင်အထက် ဆုကြေးပိုမိုမြှင့်ပေးရန် အစီအစဉ်တို့ကို သိရှိလိုပါကြောင်း မေးမြန်းပါသည်။