ကျွန်တော်တို့နိုင်ငံမှာ လယ်ယာစိုက်ပျိုးရေးနှင့်ဆည်မြောင်းဝန်ကြီးဌာန၊ မြန်မာ့ လယ်ယာဖွံ့ဖြိုးရေးဘဏ်ကနေပြီတော့ နှစ်စဉ် တောင်သူလယ်သမားများအတွက် သီးနှံစိုက်ပျိုးစရိတ် ချေးငွေများထုတ်ချေးပေးနေတဲ့အတွက် အလွန်ကျေနပ်အားရစရာဖြစ်ပါတယ်။ ဒါပေမယ့်လို့ စိုက်ပျိုး စရိတ်ကိုရရှိတဲ့တောင်သူတွေက မြို့နယ်မှာရှိတဲ့ မြန်မာ့လယ်ယာဖွံ့ဖြိုးရေးဘဏ်ရုံးကိုလာရောက် ပြီးတော့ မိမိရရှိတဲ့ စိုက်ပျိုးစရိတ်များ ထုတ်ယူနေခဲ့ကြရပါတယ်။ သို့အတွက်ကြောင့် ဝန်ဆောင်စရိတ် များအပြင် ခရီးစရိတ်များပါကျခံပြီး ထုတ်ယူနေကြရတဲ့အတွက် နိုင်ငံတော်က စေတနာနဲ့ထုတ်ပေး နေတဲ့ စိုက်ပျိုးစရိတ်ငွေတွေဟာ တောင်သူလယ်သမားများလက်ဝယ်သို့ နိုင်ငံတော်က စေတနာထား သလောက်အပြည့်အဝမရရှိဘဲ ဖြစ်နေကြပါတယ်။ ဒါကြောင့် တောင်သူများမလိုလားအပ်သော ဝန်ဆောင်စရိတ်များ၊ ခရီးစရိတ်များ၊ အကုန်အကျမရှိစေရေးနဲ့ နိုင်ငံတော်ရဲ့ စေတနာအပြည့်အဝ ခံစားနိုင်ရေးအတွက် နိုင်ငံတော်က စိုက်ပျိုးစရိတ်ငွေများ ထုတ်ချေးပေးတဲ့နေရာမှာ ကျေးရွာများ အရောက် တောင်သူများထံသွားရောက်ပြီး ထုတ်ချေးပေးသောစနစ် ကျင့်သုံးပေးနိုင်ခြင်း ရှိ၊ မရှိ သိလိုပါကြောင်း မေးမြန်းပါသည်။