၁၉၄၇ ခုနှစ်မှာ ထုတ်ပြန်ခဲ့တဲ့ Foreign Exchange Federation Act ဟာဆိုလို့ရှိရင် အနည်းငယ်ပြင်ဆင် ထားသည်မှအပ အခုချိန်အထိ တည်ဆဲဥပဒေတစ်ခုဖြစ်ပါတယ်။ ဒီဥပဒေရဲ့ ပုဒ်မ ၅၊ ပုဒ်မခွဲ ၁ မှာ မြန်မာနိုင်ငံသားများအနေနဲ့ ကြိုတင်ခွင့်ပြုချက်လိုင်စင်ယူထားတဲ့ သူကလွဲပြီးတော့ရင် သာမန်ပြည်သူ များအနေနဲ့ နိုင်ငံခြားငွေကိုင်ဆောင်ခွင့်မရှိဘူး။ ကိုင်ဆောင်ကြောင်းတွေ့ရှိလို့ရှိရင်လည်း ပုဒ်မ ၂၄၊ ပုဒ်မခွဲ ၁ အရထောင်ဒဏ်သုံးနှစ်အထိ ကျခံရမယ်လို့ဆိုထားပါတယ်။ နိုင်ငံခြားကို အကြောင်းအမျိုး မျိုးနဲ့သွားရောက်တဲ့ နိုင်ငံသားတွေအနက် နိုင်ငံတော်တာဝန်နဲ့သွားတဲ့ အထူးသဖြင့်ဝန်ထမ်း ပုဂ္ဂိုလ် မျိုးတွေကိုတော့ရင် တရားဝင်ငွေလဲနှုန်းနဲ့ထိုက်သင့်တဲ့ နိုင်ငံခြားငွေလဲလှယ်ပေးပါတယ်။ သာမန် ပြည်သူများကိုတော့ လဲလှယ်ပေးခြင်းမရှိပါဘူး။ ဒါကြောင့်မို့လို့ နိုင်ငံခြားကို အကြောင်းအမျိုးမျိုးနဲ့ သွားရောက်တဲ့ သာမန်ပြည်သူများဟာ နိုင်ငံခြားငွေကို ဈေးကွက်ပေါက်ဈေးနဲ့ တရားမဝင်ဈေးကွက် မှာဝယ်ယူနေရတဲ့အပြင် တည်ဆဲဥပဒေကိုချိုးဖောက်ရာလည်းရောက်ပါတယ်။ ပြည်သူ့လွှတ်တော် ဥက္ကဋ္ဌကြီးခင်ဗျား။ သာမန်ပြည်သူများအနေနဲ့ လက်တွေ့မှာလဲလှယ်နိုင်ခြင်းမရှိတဲ့ အစိုးရအနေနဲ့ လည်းပဲ Law Inforcement ကို တိတိကျကျလုပ်ဆောင်နိုင်ခြင်းမရှိတဲ့ ၁၉၄၇ ခုနှစ်၊ နိုင်ငံခြားငွေ လဲလှယ်ရေး ဥပဒေကို ပြင်ဆင်ရန် ရှိ၊မရှိနဲ့ မပြင်ဆင်နိုင်သေးဘူးဆိုရင်လည်းပဲ မည်သည့်အတွက် ကြောင့်မပြင်ဆင်နိုင်သည်ကို သိလိုပါကြောင်း မေးမြန်းပါသည်။