(င)-ဘားအံတက္ကသိုလ်တွင် ဥပဒေအထူးပြုဘာသာရပ်ထားပေးရန်နှင့် စပ်လျဉ်းသည့်မေးခွန်း
ကရင်ပြည်နယ်၊ ဘားအံမြို့တွင် အဆင့်မြင့်ပညာသင်ယူနိုင်ရန်အတွက် ၁၉၇၇ ခုနှစ်မှစ၍ ယနေ့အထိ ဒေသကောလိပ်၊ ကောလိပ်၊ တက္ကသိုလ်စသည်ဖြင့် အဆင့်ဆင့်တိုးမြှင့်ဖွင့်လှစ်ပေးခဲ့ပါတယ်။ သို့သော်လည်း ဥပဒေ အထူးပြု ဘာသာရပ်မှာ ယနေ့အထိ ထားရှိပေးခြင်းမရှိသည်ကို တွေ့ရှိရပါတယ်။ ဥပဒေအထူးပြု ဘာသာရပ် ကို သင်ကြားလိုသော၊ ငွေကြေးတတ်နိုင်သော ကျောင်းသူကျောင်းသား လူနည်းစုသာ မွန်ပြည်နယ်၊ မော်လမြိုင်မြို့သို့ သွားရောက်ပညာသင်ယူရပါသည်။ ယခုအခါ နိုင်ငံတော်သည် ခေတ်မီဖွံ့ဖြိုး တိုးတက်သော၊ စည်းကမ်းပြည့်ဝသော ဒီမိုကရေစီစနစ်ကို ဖော်ဆောင်နေပြီဖြစ်ရာ အုပ်ချုပ်ရေး၊ ဥပဒေပြုရေးနှင့်တရားစီရင်ရေးတွင် ဥပဒေပညာကို နားလည်တတ်ကျွမ်းသော မျိုးဆက်သစ် လူငယ်များ များစွာလိုအပ်လျက် ရှိပါတယ်။ သို့ပါ၍ ဘားအံတက္ကသိုလ်တွင် ဥပဒေ အထူးပြု ဘာသာရပ်ကဏ္ဍ ထားရှိပေးပါရန် အစီအစဉ် ရှိ၊ မရှိ သိရှိလိုပါကြောင်း မေးမြန်းပါသည်။