ငဝန်ရေကာတာ ဟာ လေးမျက်နှာမြို့နယ်အတွင်းမိုင်တိုင်၁၉/၁ မှ ၃၉/ဝ အထိ၊ ၁၉မိုင်၇ဖာလုံ ဖြတ်သန်းကာရံထားပါ တယ်။ ၎င်းတာကို မှီခိုနေရသော ရပ်ကွက်နဲ့ကျေးရွာအုပ်စု ၂၆ အုပ်စုရှိပြီး အိမ်ခြေ ၁၀၃၈၇၊ အိမ်ထောင်စု ၁၀၅၉၈ စုနဲ့ လူဦးရေ ၄၆၀၆၉ ယောက်နေထိုင်ကြပါတယ်။ ၎င်းတို့လုပ်ကိုင် စားသောက်သောလယ်မြေနဲ့ အိုးအိမ်ခြံမြေဧကမှာ ၄၁၄၆၂ ဧကရှိပါတယ်။ ဒီနှစ် ငဝန်မြစ်ရေကြီးမှု အရ မိုင်တိုင် ၂၀/ဝမှ ၂၁ အထိ ၅ ပေခန့်နိမ့်ကျသွားပါတယ်။ မိုင်တိုင် ၂၂ မှ ၂၃ အထိ ၂ ပေခန့် နိမ့်ကျသွားပါတယ်။ နောင်နှစ် မြေထပ်မတင်ရင် ရေကျော်မယ့်အခြေအနေတွင်ရှိနေပါတယ်။ မိုင်တိုင် ၃၈ နဲ့ ၃၉ ကြားဟာ ၂၀၁၀ ခုနှစ်က စက်ဖြင့်ဖို့ထားတဲ့တာဖြစ်ပါတယ်။ ရေကြည်မြို့နယ်နဲ့ ဆက်စပ် နေပါတယ်။ ၎င်းတာအမြင့်ဟာ ဒီနှစ် ငဝန်မြစ်ရေကြီးမှုနဲ့တန်းတူဖြစ်နေတဲ့အတွက် သဲအိတ်များ ၄ ပေ ထပ်မြှင့်တင်ထားရပါတယ်။ နှစ်စဉ် ငဝန်မြစ်ရေကြီးပြီဆိုရင် တာအတွင်းနေပြည်သူများစိုးရိမ်ပူပန်မှု ဖြစ်ပွားနေရပါတယ်။ ငဝန်မြစ်ရိုးတစ်လျှောက် ရေကင်း ၄၀ ချထားရပြီး တစ်ကင်းမှာအရပ်သား ၄ ဦး နဲ့ တပ်မတော်သား ၂ ဦးစီချထားရပါတယ်။ သို့ပါ၍ ငဝန်ရေကာတာခိုင်မာတောင့်တင်းရေးကို မည်ကဲ့သို့ဆောင်ရွက်ပေးနိုင်မည်ကို သိလိုပါကြောင်း မေးမြန်းပါသည်။