(စ)-ခေတ်နှင့်လျော်ညီခြင်းမရှိသော ဥပဒေများနှင့် နိုင်ငံတော်နှင့်ပြည်သူများအပေါ်အကျိုးမပြုသည့် ဥပဒေများနှင့်စပ်လျဉ်းသည့်မေးခွန်း
ကျွန်တော်တို့နိုင်ငံမှာကျင့်သုံးလျက်ရှိတဲ့ ဥပဒေများကို လေ့လာကြည့် တဲ့အခါမှာ အာဏာပိုင်အဖွဲ့အစည်းများကကျင့်သုံးတဲ့ ဥပဒေ ၁၁၅ ခု၊ ကာကွယ်ရေးကဏ္ဍအတွက် ကျင့်သုံးတဲ့ဥပဒေ ၁၃ ခု၊ အုပ်ချုပ်ရေး၊ လုံခြုံရေး၊ တရားဥပဒေစိုးမိုးရေးနှင့် လူဝင်မှုကြီးကြပ်ရေး ကဏ္ဍအတွက်ကျင့်သုံးသောဥပဒေ ၅၉ ခု၊ စည်ပင်သာယာရေးကဏ္ဍအတွက် ကျင့်သုံးသောဥပဒေ ၁၂ ခု၊ သာသနာရေးကဏ္ဍအတွက် ကျင့်သုံးသောဥပဒေ ၁၀ ခု၊ နိုင်ငံခြားရေးကဏ္ဍအတွက် ကျင့်သုံးသော ဥပဒေ ၆ ခု၊ ဘဏ္ဍာရေး၊ အခွန်၊ ငွေရေးကြေးရေးကဏ္ဍအတွက် ကျင့်သုံးသောဥပဒေ ၂၉ ခု၊ စီးပွားရေး ကဏ္ဍအတွက် ကျင့်သုံးသောဥပဒေ ၅၇ ခု၊ ပို့ဆောင်ရေးနှင့် ဆက်သွယ်ရေးကဏ္ဍအတွက် ကျင့်သုံးသော ဥပဒေ ၂၉ ခု၊ သမဝါယမကဏ္ဍအတွက် ကျင့်သုံးသောဥပဒေ ၂ ခု၊ ဆောက်လုပ်ရေး ကဏ္ဍအတွက် ကျင့်သုံးသောဥပဒေ ၅ ခု၊ လူမှုရေးကဏ္ဍအတွက် ကျင့်သုံးသောဥပဒေ ၆၄ ခု၊ စုစုပေါင်း ၄၀၁ ခုရှိကြောင်းလေ့လာတွေ့ရှိရပါတယ်။ ဒါကြောင့် နိုင်ငံတော်မှာပြဋ္ဌာန်းထားတဲ့ တည်ဆဲဥပဒေနဲ့ နည်းဥပဒေများ များစွာရှိတဲ့အနက် ခေတ်နှင့်လျော်ညီခြင်းမရှိသော ပြည်သူများအပေါ်အကျိုး မပြုသော ဥပဒေများ၊ နည်းဥပဒေများနှင့်စပ်လျဉ်း၍ ပြည်ထောင်စုရှေ့နေချုပ်ရုံးအနေဖြင့် စီစဉ် ဆောင်ရွက်ထားရှိမှုအြခေအနေကို သိရှိလိုပါကြောင်း မေးမြန်းပါသည်။