(ဃ)-တမူးမြို့ ခုတင် (၁၀၀) ပြည်သူ့ဆေးရုံနှင့်စပ်လျဉ်းသည့်မေးခွန်း
2020-12-22
တမူးမြို့ ပြည်သူ့ဆေးရုံကို ကျန်းမာရေးဝန်ကြီးဌာနက ၂၀၀၈ ခုနှစ်၊ မတ်လ ၁၇ ရက်နေ့မှာ ခုတင် ၁၀၀ ဆံ့ ဆေးရုံအဖြစ် တိုးမြှင့်ခဲ့ပြီးဖြစ်ပါတယ်။ သို့သော်လည်းယနေ့ထိအောင် ခုတင် ၁၀၀ ဆံ့ဆေးရုံနဲ့ လျော်ညီတဲ့ အဆောက်အဦ ဆောက်လုပ်ပေးခြင်း မရှိသေးခြင်းနဲ့ လိုအပ်တဲ့ဆေးရုံသုံးပစ္စည်း ကိရိယာများလည်းပဲ ပြည့်စုံမှုမရှိသေးကြောင်းကြားသိရပါတယ်။ ဒါကြောင့်မို့လို့ ပထမအချက်အနေနဲ့ ခုတင် ၁၀၀ ဆံ့ ဆေးရုံအဆင့်နဲ့လျော်ညီတဲ့ အဆောက်အဦ ဆောက်လုပ်ပေးရန်အစီအစဉ် ရှိ၊ မရှိနဲ့ ရှိပါက မည်သည့်အချိန်တွင် ဆောက်လုပ်ပေးမည်ဖြစ်ကြောင်းနဲ့ မရှိပါကလည်း မည်သည့်အတွက်မရှိ ကြောင်း၊ နံပါတ်နှစ်အခြေအနေနဲ့ လိုအပ်နေသော ဆေးရုံသုံးပစ္စည်းကိရိယာများအား ဖြည်းဆည်း ပံ့ပိုးပေးရန် အစီအစဉ် ရှိ၊ မရှိ သိလိုပါကြောင်း မေးမြန်းပါသည်။