(ခ)-တရားမမှုကိုပြစ်မှုကြောင်းဖြင့်စွဲဆိုနေခြင်းနှင့်စပ်လျဉ်းသည့်မေးခွန်း
နိုင်ငံသားများ တစ်ဦးနှင့်တစ်ဦးဆက်ဆံကြရာတွင် ချေးငွေရလိုမှု၊ ကြွေးမြီပြန်ရလိုမှု၊ ပစ္စည်း ရလိုမှုနှင့် ကတိပဋိညာဉ် ဖောက်ဖျက်မှုများပေါ်ပေါက်၍ ညှိနှိုင်းပြေလည်မှုမရရှိကြပါက တရားလို ဖြစ်သူအနေဖြင့် တရားစွဲအဖွဲ့အစည်းသို့ ပြစ်မှုကြောင်းအရ တရားခံအပေါ် အရေးယူပေးရန် တိုင်တန်းလာလျှင် တရားစွဲအဖွဲ့အစည်းမှ တာဝန်ရှိသူက တရားစွဲပေးခြင်း၊ တရားမစွဲမီ ဥပဒေ အကြံပြုချက် တောင်းခံလာပါကလည်း ဥပဒေအကြံပေးသည့် ဥပဒေအရာရှိအနေဖြင့် ပြစ်မှုကြောင်းဖြင့် တရားစွဲဆိုရန်ဥပဒေအကြံပေးခြင်းများကြောင့် တရားရုံးများတွင်တရားမကြောင်းဖြင့် တရားစွဲဆိုရမည့် အမှုများကို ပြစ်မှုကြောင်းဖြင့် တရားစွဲဆိုမှုများရှိနေသဖြင့် တရားမမှုစွဲဆိုရမည့်ကိစ္စဖြစ်ကြောင်း ပေါ်လွင်ထင်ရှားပါလျက် ပြစ်မှုကြောင်းဖြင့် တရားစွဲဆိုခြင်းမျိုး မဖြစ်ပေါ်စေရန်အတွက် တိုင်ကြားသူ ရှိလာပါက သက်ဆိုင်ရာအဖွဲ့အစည်းအဆင့်ဆင့်မှ မည်ကဲ့သို့ဆောင်ရွက်ပေးမည်ကို သိလိုပါကြောင်းမေးမြန်းပါသည်။