မြန်မာနိုင်ငံမှထူးချွန်တဲ့ အားကစားသမားများကို ဝန်ကြီးဌာန ပေါင်းစုံပြိုင်ပွဲများတွင် အသုံးပြုရန်အတွက် ဝန်ကြီးဌာနတစ်ခုခုက တာဝန်ယူပြီးတော့ ခန့်အပ်ပြီးတော့ လခများ ပေးထားခဲ့ပါတယ်။ ဒီအားကစားသမား ဝန်ထမ်းတွေဟာ အသက်အရွယ်ကြီးရင့်၍ အားကစားမှ အနားယူသောအခါ ဝန်ကြီးဌာနကပဲ ဆက်လက်ပြီးတော့ လခများပေးထားခဲ့ပါတယ်။ ဒါပေမယ့်လို့ ဒီဝန်ထမ်းတွေဟာ ပညာရေးဘွဲ့မရရှိတဲ့အတွက်ကြောင့် ရာထူးတိုးတက် ခဲ့ခြင်းမရှိပါဘူး။ ဒါ့ကြောင့် မြန်မာနိုင်ငံ အားကစားသမားကောင်းများ ပေါ်ထွက်လာရေးအတွက် ဘဝအာမခံချက် ရရှိစေရန် ဥပဒေတစ်ရပ်ပြဋ္ဌာန်းပေးရန် အစီအစဉ် ရှိ၊ မရှိကို သိလိုပါကြောင်း မေးမြန်းပါသည်။