(ဈ)-တန့်ယန်းနှင့် မိုင်းရှုးမြို့ကြားရှိ ကျန်ရှိြမေလမ်းများအား ပြုပြင်ပေးရန်နှင့် စပ်လျဉ်းသည့်မေးခွန်း
နိုင်ငံတော်အစိုးရသည် ရှမ်းပြည်နယ်အတွင်းရှိ “ဝ” ခြောက်မြို့နယ်နှင့် မြို့နယ် သုံးခုကို စုစည်း၍ ဟိုပန်ခရိုင်အဖြစ် တိုးချဲ့ဖွဲ့စည်းခဲ့ပါတယ်။ မက်မန်းမြို့နယ်သည် “ဝ” လူမျိုး၊ ရှမ်းလူမျိုးနှင့် လားဟူ လူမျိုးစုပေါင်းနေထိုင်သော မြို့တစ်မြို့ ဖြစ်ပါတယ်။ ၂၇-၇-၂၀၁၁ ရက်နေ့တွင် “ဝ” ကိုယ်ပိုင် အုပ်ချုပ်ခွင့်ရတိုင်း၊ ဟိုပန်မြို့နယ်တွင် ခုတင် ၅၀ ဆံ့မြို့နယ် ပြည်သူ့ဆေးရုံ ဖွင့်လှစ် ခဲ့ပါတယ်။
ဥက္ကဋ္ဌကြီးခင်ဗျား။ ဟိုပန်ခရိုင်မှ လားရှိုး-တန့်ယန်းအထိ ကတ္တရာခင်းလမ်း ဖြစ်ပါတယ်။ လမ်းလည်း ကောင်းမွန်လျက်ရှိပါတယ်။ တန့်ယန်းနဲ့ မိုင်းရှုး ၅၆ မိုင်လမ်းမှာ ကတ္တရာခင်းလမ်း တစ်ဝက်၊ ြမေသားလမ်းတစ်ဝက် ဖြစ်နေပါတယ်။ ဥက္ကဋ္ဌကြီးခင်ဗျား။ ဟိုပန်ခရိုင်မှ မိုင်းမော-ပန်ဆန်း၊ မက်မန်းသို့လည်းကောင်း၊ ဟိုပန်ခရိုင်မှ လားရှိုး-မန္တလေး-တောင်ကြီး-ရှမ်းပြည်နယ်တောင်ပိုင်း၊ မိုင်းပြင်းမှမက်မန်း သို့လည်းကောင်း သွားလာ၍ရသော်လည်း အလွန်ခရီးကွာဝေးပြီး ခရီးစရိတ်လည်း ပိုမိုများပြားလျက်ရှိပါတယ်။ ထို့ကြောင့် မိုင်းရှုးနှင့် မက်မန်းသို့ ၉၈ မိုင်ခန့်လမ်းတွင် နွေ၊ မိုး၊ ဆောင်း ကျောက်ခင်းလမ်းအဖြစ် ပြုပြင်ပေးနိုင်ပါက ပြည်သူလူထုနဲ့ ဌာနဆိုင်ရာဝန်ထမ်းများအတွက် ပညာရေး၊ ကျန်းမာရေး၊ စီးပွားရေးနှင့်လူမှုရေးကိစ္စရပ်များ ဆောင်ရွက်ရာတွင် လွယ်ကူစွာသွားလာ နိုင်မယ်ဖြစ်ပါတယ်။ သို့ဖြစ်၍ မက်မန်းမြို့နယ်မှ ဟိုပန်ခရိုင်သို့ လွယ်ကူစွာသွားလာနိုင်ရေးအတွက် ကျန်ရှိသောြမေလမ်းများအား ပြုပြင်ပေးရန် အစီအစဉ် ရှိ၊ မရှိ မေးမြန်းပါသည်။