(ဃ)-သတင်းဆက်သွယ်မှု နည်းပညာနှင့်ပတ်သက်၍ နိုင်ငံတော်အဆင့် စီမံကိန်းများနှင့်စပ်လျဉ်းသည့်မေးခွန်း
2020-12-22
မျက်မှောက်ကာလတွင် နိုင်ငံတော်၏ လူမှုစီးပွားရေးဘဝတိုးတက်ဖွံ့ဖြိုးရေးတွင်လည်းကောင်း၊ နယ်မြေ ဒေသတစ်ခုချင်းအလိုက် အတူတကွကြီးပွားတိုးတက်မှု Growth together ရရှိရေးတွင်လည်းကောင်း၊ သတင်းဆက်သွယ်မှုနည်းပညာဖွံ့ဖြိုးတိုးတက်ရေးသည် အရေးကြီးသော၊ အဓိကကျသော အခန်းကဏ္ဍမှ ပါဝင်လျက်ရှိပါတယ်။ သို့ပါ၍ သတင်းဆက်သွယ်မှုနည်းပညာနှင့်စပ်လျဉ်းသော နိုင်ငံတော်အဆင့် စီမံကိန်းများရေးဆွဲအကောင်အထည်ဖော်ဆောင်ရွက်နေမှုရှိပါသလား။ ရှိပါက လက်ရှိအကောင်အထည် ဖော်ဆောင်ရွက်နေမှုနှင့် ဆက်လက်ဆောင်ရွက်မယ့်အစီအမံများကို လွှတ်တော်ကိုယ်စားလှယ်များ သိရှိနိုင်ရန် ရှင်းလင်းဖြေကြားပေးစေလိုကြောင်း မေးမြန်းပါသည်။