(စ)-GSM နှင့် CDMA တာဝါတိုင်လွှင့်စက်များတပ်ဆင်ပေးရန်နှင့်စပ်လျဉ်းသည့်မေးခွန်း
2020-12-22
ထန်းတပင်မြို့နယ်သည် ဧရိယာအကျယ်အဝန်းအားဖြင့် ၂၃၄.၃၄ စတုရန်းမိုင် ကျယ်ဝန်းလျက်ရှိပါတယ်။ ကျေးရွာပေါင်း ၅၉ အုပ်စုနှင့် ရွာပေါင်း ၂၃၀ ရှိပါတယ်။ မြစ်ချောင်းများဝိုင်းရံလျက်ရှိပါတယ်။ အဆိုပါ အခက်အခဲများကြောင့် ဆက်သွယ်ရေးလုပ်ငန်းများ လွန်စွာ ခက်ခဲလျက်ရှိပါတယ်။ ဥက္ကဋ္ဌကြီးခင်ဗျား။ GSM နှင့် CDMA တာဝါတိုင်လွှင့်စက်များစိုက်ထူ ပေးမယ်ဆိုရင်တော့ ထန်းတပင်မြို့နယ်အနေဖြင့် ဌာနဆိုင်ရာများ၊ ကျောင်းသား/ကျောင်းသူများ၊ ဒေသခံ ပြည်သူများလက်ရှိကိုင်သုံးနေတဲ့ GSM ဖုန်းများဆက်သွယ်နိုင်မှာဖြစ်ပါတယ်။ သို့ဖြစ်ပါ၍ ရန်ကုန် တိုင်းဒေသကြီး၊ ထန်းတပင်မြို့နယ်တွင် GSM နှင့် CDMA တာဝါတိုင်များတပ်ဆင်ဆောင်ရွက်ပေးရန် အစီအစဉ် ရှိ၊ မရှိသိလိုပါတယ်။ အစီအစဉ်ရှိပါက မည်သည့်အချိန်၊ မည်သည့်ကာလတွင် ဆောင်ရွက် ပေးမည်ကိုသိရှိနိုင်ရန်အတွက် မေးမြန်းပါသည်။