ပေပင်ချောင်၊ အခြေခံပညာအထက်တန်းကျောင်းခွဲဟာ ၁၉၉၆-၁၉၉၇ ပညာသင် နှစ်မှာ စတင်ဖွင့်လှစ်ခဲ့တာဖြစ်ပါတယ်။ ၁၉၉၅ ခုနှစ်က ကျွန်တော်တို့ ကျွန်းလှမြို့နယ်မှာ သဖန်းဆိပ်ဆည်ရေလှောင်တမံစီမံကိန်းကြောင့် ကျွန်းလှမြို့နယ်ဟာ အရှေ့ဘက်ခြမ်းနဲ့ အနောက်   ဘက်ခြမ်းဆိုပြီးတော့မှ ဆည်ကြီးရဲ့ ပိုင်းခြားထားတာကိုခံရတာဖြစ်ပါတယ်။ ကျွန်းလှမြို့နယ်မှာ အထက်တန်းကျောင်းဟာ တစ်ကျောင်းတည်းပဲရှိပြီးတော့မှ ရှိတဲ့ကျောင်းဟာ ကျွန်းလှမြို့နဲ့တစ်ပါတည်း ပါသွားတဲ့အတွက်ကြောင့်မို့ ကျွန်းလှမြို့နဲ့ ၃၆ မိုင်ဝေးကွာတဲ့ ဆည်အနောက်ဘက်ကမ်းမှာရှိတဲ့ ပေပင်ချောင်၊ အထက်တန်းကျောင်းခွဲအား အထက်တန်းကျောင်းအဖြစ် တိုးမြှင့်ဖွင့်လှစ်ပေးဖို့အခြေ အနေ ရှိ၊ မရှိ သိရှိလိုပါတယ်။ တကယ်လို့ အဲ့ဒီကျောင်းကိုသာ ဖွင့်လှစ်ပေးမယ်ဆိုလို့ရှိရင် ဆည်ရဲ့ အနောက်ဘက်ကမ်းမှာရှိတဲ့ အခြေခံပညာကျောင်းပေါင်း ၂၀ ကျော်မှာ သင်ကြားနေကြတဲ့ ကျောင်းသား၊ ကျောင်းသူများအတွက် အထက်တန်းပညာကို လွယ်ကူချောမွေ့စွာသင်ကြားကြရမှာ ဖြစ်ပါတယ်။ ဒါ့ကြောင့် အခြေခံပညာအထက်တန်းကျောင်းခွဲအား အခြေခံပညာအထက်တန်းကျောင်း အဆင့်ထိတိုးမြှင့်ဖွင့်လှစ်ပေးဖို့ အစီအစဉ်ရှိပါသလား။ ရှိပါလျှင်လည်း မည်သည့်အချိန်အခါတွင် တိုးမြှင့်ဖွင့်လှစ်ပေးနိုင်မည်ကိုသိရှိလိုပါကြောင်း မေးမြန်းပါသည်။