(က)-ရန်ကုန်တိုင်းဒေသကြီးအတွင်းရှိ စက်ရုံများ၊ အလုပ်ဌာနများ၊ ကုမ္ပဏီများ၊ ဈေးကြီးများအတွင်းရှိ အလုပ်သမားများနှင့် ပျံကျအလုပ်သမားများအား လူမှုဖူလုံရေးအကျိုးခံစားခွင့် ရရှိစေခြင်းတို့ကို သက်ဆိုင်ရာဌာနမှ နည်းလမ်းရှာဖွေဆောင်ရွက်ပေးရန် အစီအစဉ် ရှိ၊ မရှိနှင့်စပ်လျဉ်းသည့်မေးခွန်း

အလုပ်သမားဝန်ကြီးဌာန လူမှုဖူလုံရေးအဖွဲ့ကြီးသည် နိုင်ငံတော်အတွင်းရှိ လူမှုဖူလုံရေးရန်ပုံငွေ ထည့်ဝင်ထားသော အလုပ်သမားများအား အခမဲ့ဆေး ကုသခွင့်၊ ရက်ရှည် ဆေးကုသခံယူရသူများတို့၏ လုပ်ခလစာများကိုလည်း သတ်မှတ်သောနှုန်းထား ဖြင့် ခံစားခွင့်ရှိကြောင်း သိရှိရပါသည်။ အလုပ်သမားများအတွက် အလွန်ကောင်းမွန်သော ဆောင်ရွက် ပေးမှုဖြစ်ကြောင်း သိရှိရပါတယ်။ အဆိုပါ အခမဲ့ဆေးကုသခွင့် အစီအစဉ်သည် ယနေ့ အလုပ်သမား အားလုံး ခံစားခွင့်ရရှိနေခြင်း ရှိ၊ မရှိ ကိစ္စနှင့်စပ်လျဉ်း၍ အောက်ပါမေးခွန်းများကို မေးမြန်းအပ်ပါ တယ်ခင်ဗျား။

(၁) ရန်ကုန်တိုင်း ဒေသကြီးအတွင်းရှိ ဆိုင်များ၊ စက်ရုံများ၊ အလုပ်ဌာနများ၊ ကုမ္ပဏီများ၊ ဆူပါမားကက်များ၊ ဈေးကြီးများ အတွင်းရှိ အလုပ်သမားများသည် လူမှုဖူလုံရေးအဖွဲ့သို့ ရန်ပုံငွေ ထည့်ဝင်ပြီး လူမှုဖူလုံရေးအကျိုးခံစားခွင့်များ ရရှိခြင်း ရှိ၊ မရှိ။

(၂) အထူးသဖြင့် ပန်းဘဲတန်းမြို့နယ် အတွင်းမှာရှိတဲ့ ဈေးရုံကြီးများဖြစ်ကြတဲ့ ဗိုလ်ချုပ် အောင်ဆန်းဈေး၊ ဗိုလ်ချုပ်ဈေးသစ်၊ သိမ်ကြီးဈေး အေရုံ၊ ဘီရုံ၊ စီရုံ၊ ဒီရုံ၊ အီးရုံများမှ အလုပ်သမား များကို လူမှုဖူလုံရေးအဖွဲ့ဝင်အဖြစ် သက်ဆိုင်ရာမှ ဆောင်ရွက်ခြင်းရှိ၊ မရှိနှင့် ရှိပါက အဖွဲ့ဝင်အလုပ် သမားဦးရေ ရရှိမှုအခြေအနေကို သိလိုပါတယ်။

(၃) ပန်းဘဲတန်းမြို့နယ်နှင့် လသာမြို့နယ်တို့အတွက် လူမှုဖူလုံရေးဆေးခန်းကို သက်ဆိုင်ရာ မြို့နယ်အတွင်း ဖွင့်လှစ်ပေးရန် အစီအစဉ် ရှိ၊ မရှိနှင့်

(၄) လူမှုဖူလုံရေးကြေး ထည်‌့ဝင်ရာမှာ အလုပ်သမားရော ၎င်းရဲ့ အလုပ်ရှင်ကပါ ရရှိသော လစာပေါ်မူတည်ပြီးတော့ အချိုးကျထည့်ဝင်ရတာဖြစ်ပါတယ်။ အလုပ်ရှင်အတိအကျမရှိတဲ့ ပျံကျ အလုပ်သမားများသည်လည်း အလုပ်သမားများသာ ဖြစ်ပါတယ်။ ဒါကြောင့် ၎င်းတို့အတွက် လူမှုဖူလုံ ရေးအကျိုးခံစားခွင့်ရရှိရန် သက်ဆိုင်ရာဌာနမှ နည်းလမ်းရှာ‌ဖွေ ေဆောင်ရွက်ပေးရန် အစီအစဉ်ရှိ/မရှိ သိရှိလိုပါကြောင်း မေးမြန်းပါသည်။