အမှတ်(၂)လျှပ်စစ်စွမ်းအားဝန်ကြီး ဌာနမှ ဖြန့်ဖြူးသောအိမ်သုံးလျှပ်စစ်မီတာခများနှင့် လုပ်ငန်းသုံးလျှပ်စစ်မီတာခများအား လျှပ်စစ်သုံး သော ပြည်သူများနှင့်လုပ်ငန်းရှင်များဟာ လစဉ်မီတာခများကိုပေးဆောင်ရပါတယ်။ Pre Paid Card ကြိုတင်ပေးစနစ်ကိုလုပ်ဆောင်မယ်ဆိုလို့ရှိရင် သုံးစွဲတဲ့ Customer များဟာ သူတို့ရဲ့ဝင်ငွေ၊ ထွက်ငွေအပေါ်တွက်ချက်ပြီးတဲ့အခါမှာ ဝင်ငွေ၊ ထွက်ငွေတွေကိုချင့်ချိန်ပြီးတော့ သုံးစွဲနိုင်မှာဖြစ်တဲ့ အတွက်ကြောင့်မို့လို့ သုံးစွဲတဲ့ Customer များမှာကော၊ နိုင်ငံတော်မှာကောအကျိုးများရှိလာမှာ ဖြစ်ပါတယ်။ ဒါကြောင့်မို့လို့ ကြိုတင်ပေးစနစ်ဖြစ်တဲ့ Pre Paid Card စနစ်ကိုသက်ဆိုင်ရာ ဝန်ကြီးဌာနမှ ဆောင်ရွက်ပေးရန်အစီအစဉ်ရှိပါသလား။ လျှပ်စစ်အသုံးပြုတဲ့မီတာခများအား ကြိုတင် ပေးဆောင်သောကဒ် Pre Paid Card များစနစ်ကိုလုပ်ဆောင်ပေးမယ့်အစီအစဉ်ရှိပါက မည်သည့်အချိန်ကာလတွင် ဆောင်ရွက်ပေးမည်ကိုသိရှိလိုပါကြောင်း မေးမြန်းပါသည်။