သာကေတမြို့နယ်ဟာဆိုလို့ရှိရင် ၁၉၅၇ ခုနှစ်ကစပြီးတော့ တည်ထောင်ခဲ့ပါတယ်။ မြို့သစ်တည်ထောင်စဉ်ကာလက လမ်းမကြီးတွေ၊ ရပ်ကွက်ထဲမှာရှိတဲ့ လမ်းတွေ၊ လမ်းသွယ်တွေကို သစ်သားမီးတိုင်များနှင့်စိုက်ထူပြီးတော့ လျှပ်စစ်ဖြန့်ဝေပေးခဲ့ပါတယ်။ ၁၉၈၈ ခုနှစ်နောက်ပိုင်းမှာ သစ်သားမီးတိုင်များကို ကွန်ကရစ်တိုင်များနှင့် အစားထိုးပြီးတော့ လဲလှယ်ပေးခဲ့ပါသော်လည်း မြို့နယ်အတွင်းမှာရှိတဲ့လမ်းပေါင်း ၆၂ လမ်းမှာ သစ်သားတိုင်များ ယနေ့တိုင်ရှိနေပါတယ်။ ၎င်းမီးတိုင်များဟာ နှစ်ပေါင်း ၅၀ ကျော်နေပြီဖြစ်တဲ့အတွက်ကြောင့် ဆွေးမြေ့ ပျက်စီးနေပြီးတော့ အန္တရာယ်ဖြစ်မယ့်အခြေအနေကိုရောက်ရှိနေပြီဖြစ်ပါတယ်။ ဒါကြောင့် ဆွေးမြေ့ ပျက်စီးနေသောသစ်သားမီးတိုင်များကို ကွန်ကရစ်တိုင်များနှင့်လဲလှယ်အစားထိုးပေးရန် ရှိ၊ မရှိ ။ ရှိပါကမည်သည်‌့ကာလတွင် လဲလှယ်အစားထိုးပေးမည်ကို သိလိုပါကြောင်း မေးမြန်းပါသည်။