(ဈ)-ထောက်ကြန့်မြို့အဝင်ရှိ ရန်ကုန်-ပြည် လမ်းမကြီးနှင့် ရန်ကုန်-မန္တလေး လမ်းမကြီး (အမှတ်-၁) လမ်းကို ဆက်သွယ်သော ရှောင်လမ်းရှိ ရပ်ကွက်များ အတွက် လမ်းမီးများ ထွန်းပေးပါရန် နှင့် စပ်လျဉ်းသည့် မေးခွန်း
ရန်ကုန်တိုင်းဒေသကြီး၊ မင်္ဂလာဒုံမြို့နယ် ထောက်ကြန့်မြို့သည် ရန်ကုန်မြို့တော်သို့ အဝင်မြို့တစ်မြို့ ဖြစ်ပါတယ်။ မြို့အဝင်မှာ ရန်ကုန်-ပြည် လမ်းမကြီးနှင့် ရန်ကုန်-မန္တလေးလမ်းမကြီးလမ်းကို ဆက်သွယ်ထားတဲ့ ၂ မိုင် ၂ ဖာလုံအရှည် မြို့ရှောင်လမ်းတစ်ခုကို နိုင်ငံတော်ကနေပြီးတော့ ဖောက်လုပ်ပေးထားပါတယ်။ ၎င်းမြို့ရှောင်လမ်းရဲ့ အရှေ့ဘက်ခြမ်းဟာ မှော်ဘီမြို့နယ်ဖြစ်ပါတယ်။ ၎င်းမြို့နယ်အနောက်ဘက်ခြမ်းဟာ ကျွန်တော်တို့ မင်္ဂလာဒုံမြို့နယ် ရပ်ကွက်များရှိပါတယ်။ မကြာသောကာလမှာလည်း ကျွန်တော်တို့ ရန်ကုန်တစ်မြို့လုံးကို ဖြန့်ဖြူးတဲ့ ကုန်စိမ်းဈေးကြီးကို အဲဒီမြို့ရှောင်လမ်းကို ပြောင်းရွှေ့တော့မှာ ဖြစ်ပါတယ်။ ဒါ့ကြောင့်မို့လို့ ပြည်သူလူ ထုများ သွားလာရေးအဆင်ပြေရန်နှင့် မလိုလားအပ်တဲ့ ဒုစရိုက်များမဖြစ်ပေါ်စေရန်အတွက် လမ်းမီးတန်းများထွန်းပေးပါရန်နှင့် မည်သည့်ကာလတွင် ဆောင်ရွက်ပေးမည်ကို ဖြေကြားပေးပါရန် မေးမြန်းပါသည်။