(က)-ထီးချိုင့်မြို့နယ် မီတာ ၄၀၀ အားကစားကွင်းအတွင်း မိုးလုံ၊ လေလုံ အားကစားရုံတစ်ရုံအား ချမှတ်ပေးရန် အစီအစဉ် ရှိ/မရှိ နှင့် စပ်လျဉ်းသည့် မေးခွန်း
ထီးချိုင့်မြို့နယ်မှာ အားကစားဝန်ကြီးဌာနရဲ့အစီအစဉ်နဲ့ ၁၉၉၅ ခုနှစ်က မီတာ ၄၀၀ အားကစားကွင်းကို ဖော်ထုတ်ပေးခဲ့ ပြီးတော့မှ ၂၀၀၈ ခုနှစ်မှာတော့ ပွဲကြည့်စင်နှင့်က်ငင်းလိုအပ်ချက်တွေကို ဆောက်လုပ်ဆောင်ရွက် ပေးခဲ့ပါတယ်။ ၎င်းအပြင် မြို့နယ်အတွက် မိုးလုံလေလုံ အားကစားရုံတည်ဆောက်ဖို့အတွက် မြေနေရာ လျာထားချန်လှပ်ခဲ့တာကိုလည်း တွေ့ရှိရပါတယ်။ မြို့နယ်အားကစားဖွံ့ဖြိုးရေးအတွက် ဒေသခံ မိဘ ပြည်သူများအနေနဲ့ မိုးလုံလေလုံ အားကစားရုံကို နိုင်ငံတော်က တည်ဆောက်ပေးနိုင်ရေး မျှော်လင့် လျက်ရှိကြပါတယ်။ သို့ပါ၍ အားကစားဝန်ကြီးဌာနအနေနဲ့ ထီးချိုင့်မြို့နယ် မီတာ ၄၀၀ အားကစားကွင်းအတွင်းမှာ မိုးလုံလေလုံအားကစားရုံတစ်ရုံကို ခွင့်ပြုချက်ချမှတ်၍ ဆောင်ရွက် ပေးရန်အစီအစဉ် ရှိ၊ မရှိနှင့် လျာထားချက်ရှိပါက မည်သည့်ဘဏ္ဍာရေးနှစ်တွင် ချမှတ်ခွင့်ပြုပေးနိုင် မည်ကို သိရှိလို၍မေးမြန်းတင်ပြရခြင်း ဖြစ်ပါသည်။