(ခ)-လှာကာ(ဖားပု)-သထုံ မီးရထား လမ်းဖောက်လုပ်ရာတွင် ပိုမိုသိမ်းယူထားသော လယ်မြေများအား နစ်နာသော လယ်ပိုင်ရှင်ထံသို့ ပြန်လည် ပေးအပ်ရန် အစီအစဉ် ရှိ/မရှိ နှင့် စပ်လျဉ်းသည့် မေးခွန်း
2020-12-23
၁၉၉၄ ခုနှစ်တုန်းက ဘားအံမြို့နယ် သံလွင်မြစ်ရဲ့အနောက်ဘက်ခြမ်း လှာကာ(ဖားပု)နဲ့ သထုံမီးရထားလမ်းကို ဖောက်လုပ်ပြီး မီးရထား ပြေးဆွဲခဲ့ပါတယ်ရှင်။ ၁၉၉၇ ခုနှစ် သံလွင်တံတားဖွင့်ပြီးတဲ့နောက်ပိုင်းမှာ မီးရထားပြေးဆွဲမှုမရှိ တော့ဘဲနဲ့ ရထားလမ်းဘေးဝဲယာမှာရှိတဲ့ သိမ်းယူထားတဲ့ လယ်မြေအပေါ်မှာ မြေကွက်များကိုချပြီး တော့ အိမ်များဆောက်လုပ်နေထိုင်ကြပါတယ်။ မည်သူ့ရဲ့ခွင့်ပြုချက်ဖြင့် နေထိုင်ကြသည်ကို မသိရ သော်လည်းပဲ ထိုမြေများကိုပိုင်ဆိုင်တဲ့ မူလပိုင်ရှင်လယ်သမားများဟာ အကျိုးခံစားခွင့်တစ်စုံတစ်ရာ မရရှိခဲ့ပါ။ သို့ဖြစ်ပါ၍ မီးရထားပြေးဆွဲရန် အစီအစဉ်မရှိတော့ပါက ပိုမိုသိမ်းယူထားသော လယ်မြေ များကို မူလပိုင်ရှင်လယ်သမားများကို ပြန်လည်ပေးအပ်ရန် အစီအစဉ်ရှိ၊ မရှိမေးမြန်းရခြင်းဖြစ်ပါသည်။