နိုင်ငံတော်မှ လမ်းပန်းဆက်သွယ်မှု လုံခြုံချောမွေ့စေရေးအတွက် တိုင်းရင်းသားပုဂ္ဂလိက လုပ်ငန်းရှင်ကုမ္ပဏီများနှင့် ပြည်သူ့ဆောက်လုပ်ရေး လုပ်ငန်းတို့ နှစ်ဦးနှစ်ဖက်သဘောတူစာချုပ်အရ တည်ဆောက်လုပ်ကိုင် လွှဲပြောင်းစနစ်ဖြင့် လုပ်ကိုင်ခွင့်ပြုထားတာကိုလည်း လေ့လာတွေ့ရှိရပါတယ်။ ဒီစနစ်ဟာ အင်မတန်ကောင်းမွန်တဲ့ စနစ်တစ်ခုဖြစ်တာကိုလည်း လေ့လာတွေ့ရှိရပါတယ်။ သို့သော်လည်း ပျက်စီးနေတဲ့လမ်းပိုင်းတွေကို ပြုပြင်ရာမှာနှောင့်နှေးကြန့်ကြာမှုတွေ ရှိနေတာကိုလည်းတွေ့ရှိရပါတယ်။ ဒီလိုနှောင့်နှေးကြန့်ကြာမှုတွေ မရှိအောင် အချိန်နှင့်တစ်ပြေးညီ မြန်မြန်ဆန်ဆန် ဆောင်ရွက်နိုင်စေရန်အတွက် B.O.T စနစ်ဖြင့် လုပ်ကိုင်ခွင့်ပြုထားတဲ့ ပုဂ္ဂလိကကုမ္ပဏီများကို သက်ဆိုင်ရာဝန်ကြီးဌာနအနေနဲ့ မည်ကဲ့သို့စိစစ် ကြီးကြပ်ဆောင်ရွက်သွားမည်ဆိုတဲ့အစီအစဉ်ကို သိရှိလိုပါကြောင်း မေးမြန်းပါသည်။