နယ်စပ်ဒေသအသီးသီးမှာရှိတဲ့ တိုင်းရင်းသားလူငယ်များအတွင်း အသိပညာရှင်၊ အတတ်ပညာရှင် များမွေးထုတ်ပေးနိုင်ရေးအတွက် ၁၇-၅-၉၉ ရက်နေ့မှာ နိုင်ငံတော်အစိုးရအဖွဲ့ အစည်းအဝေး အမှတ်စဉ် (၂၁/၉၉) အရ ပညာရေးနှင့်လေ့ကျင့်ရေးဦးစီးဌာနကိုဖွဲ့စည်းကာ ပြည်ထောင်စု တိုင်းရင်းသားများ စွမ်းရည်ဖွံ့ဖြိုးရေးဒီဂရီကောလိပ်ကို မန္တလေးမြို့နှင့်ရန်ကုန်မြို့တို့မှာ ဖွင့်လှစ်ခဲ့ ကြောင်းသိရှိရပါတယ်။ အဆိုပါကျောင်းတွေမှာ နယ်စပ်ဒေသအသီးသီးမှာရှိတဲ့ တိုင်းရင်းသား လူငယ်များမှ တက္ကသိုလ်ဝင်တန်း အောင်မြင်သူများကို သတ်မှတ်ချက်နှင့် ကိုက်ညီသူများအား စိစစ်ရွေးချယ်ရေးအဖွဲ့ကရွေးချယ်ပြီး တက်ရောက်ခွင့်ပြုနေတာလည်းသိရပါတယ်။ ၂၀၀၃-၂၀၀၄ ခုနှစ်မှ ၂၀၁၀-၂၀၁၁ ခုနှစ် ပညာသင်နှစ်အထိ ကျောင်းဆင်း သင်တန်းသူ/ သင်တန်းသား ပေါင်း ၁၅၁၃ ဦးကိုလည်း မွေးထုတ်ပေးပြီး ဝန်ကြီးဌာနအသီးသီးမှာ တာဝန်ထမ်းဆောင်စေကြောင်း လည်းသိရှိရပါတယ်။ အဆိုပါသင်တန်းကျောင်းမှ သင်တန်းဆင်း ကျောင်းသူ/ကျောင်းသားများဟာ အမှန်တကယ်ဖွံ့ဖြိုးမှုနည်းပါးသော နယ်စပ်ဒေသအသီးသီးမှ တိုင်းရင်းသားလူငယ်များဖြစ်ပါသလား။ နယ်စပ်ဒေသအသီးသီးမှ တက္ကသိုလ်ဝင်တန်းအောင်မြင်သူ တိုင်းရင်းသားများကို ယင်းကျောင်းသို့ မည်ကဲ့သို့သောသတ်မှတ်ချက်စံနှုန်းများဖြင့် စိစစ်ရွေးချယ်ရေးအဖွဲ့က ရွေးချယ်သည်ကို သိလိုပါကြောင်း မေးမြန်းပါသည်။