ပဲခူးတိုင်းဒေသကြီး၊ ကျောက်တံခါးမြို့နယ်ရှိ ရန်ကုန်-မန္တလေးလမ်းဟောင်းမှ ယခုရန်ကုန်-မန္တလေးအမြန် လမ်းမကြီးအထိ ပေါက်သော ၈ မိုင်ခွဲခန့်ရှိသော ကျောက်တံခါး-အင်းပတ်လည်လမ်းသည် ကျေးရွာချင်းဆက်လမ်း ဖြစ်ပြီးရွာပေါင်း ၅၀၊ ၆၀ ခန့်ကအသုံးပြုအားကိုးရသောလမ်းဖြစ်ခဲ့ပါတယ်။ အမြန်လမ်းမကြီးစီမံကိန်း ပေါ်ပေါက်လာသောအချိန်တွင် ထိုလမ်းကိုစီမံကိန်းမှမြေသယ်ကား၊ ကျောက်သယ်ကားများက လမ်းမ ကြီးစီမံကိန်းပြီးလျှင် ပြန်လည်ပြုပြင်ပေးမည်ဆိုကာ အသုံးပြုခဲ့သဖြင့် လမ်းရောတံတားပါအလွန် အမင်းပျက်စီးသွားပြီး လမ်းမကြီးပြီးဆုံးသွားသောအခါ ပြန်လည်ပြုပြင်ပေးခဲ့ခြင်း မရှိသောကြောင့် ယခုအခါ သွားလာရေးအလွန်ခက်ခဲရပါတယ်။ ယခုလိုမိုးတွင်းမှာဆိုလျင် ပို၍ဆိုးရွားပါတယ်။ အင်း ပတ်လည်ဆိုသည့် ရွာမှ မြို့ပေါ်သို့ ၄၊ ၅ မိုင်ခန့်သာ ဝေးသော်လည်း မိုင် ၃၀ နီးပါးခန့်ပတ်၍ သွား လာနေရပါသဖြင့် အချိန်ကုန်လူပန်းနှင့် ဒုက္ခရောက်ကြရပါသောကြောင့် နိုင်ငံတော်အနေဖြင့် ကျောက်တံခါးအင်းပတ်လည် လမ်းပျက်စီးနေသည်ကိုသိပါသလား။ သိပါလျှင် ပြင်ပေးရန်အစီအစဉ် ရှိပါသလား။ ရှိလျှင်မည်သည့်အချိန်တွင် စတင်ပြုပြင်ပေးမည်ကို သိရှိလိုပါ တယ်။ မရှိလျှင်မည်သည့် အကြောင်းကြောင့်ဆိုသည်ကိုလည်းသိလိုပါကြောင်း မေးမြန်းပါသည်။