ကျွန်းသူကျွန်းသားများဟာ ‌ရေလမ်းခရီးတစ်ခုတည်းကိုပဲ အားကိုး နေကြတာဖြစ်ပါတယ်။ မာန်အောင်မြို့အနောက်ဘက်သုံးမိုင်အကွာ ကျွန်းပတ်လည်လမ်းရဲ့ ဘေးမှာရှိ တဲ့ စမုံတဲရွာအနီးမှာ စမုံတဲလေယာဉ်ကွင်းကို ကျောက်ဖြူခရိုင် လုံခြုံရေးနဲ့ အုပ်ချုပ်မှုကော်မတီ၏ ညွှန်ကြားချက်ဖြင့် ၁၉၆၉ခုနှစ်ကစပြီးကျွန်းသူ၊ကျွန်းသားတွေအားလုံးလုပ်အားပေးပြီးတော့ဆောင်ရွက် ခဲ့ပါတယ်။ လေယာဉ်ကွင်းတစ်ခုဖြစ်ဖို့အတွက် အားကြိုးမာန်တက် လုပ်အားပေးပြီးတော့ ဆောင်ရွက် ခဲ့တဲ့ဥစ္စာလည်းအောင်မြင်ပါတယ်။ တောင်နဲ့မြောက်အလျား ၄၅၀၀ ပေ၊ အနံ ၆၀၀ပေ ရှိပါတယ်။ အခု အဲဒီလေယာဉ်ကွင်းကို ပြည်သူ့ဆောက်လုပ်ရေးလုပ်ငန်းကနေပြီးတော့  ၁၉၈၄ ခုနှစ်ကစပြီး တာဝန်ယူ ထိန်းသိမ်းလျက်ရှိပါတယ်။ မာန်အောင်လေယာဉ်ကွင်းဟာ စပြီးတော့ ၁၉၇၂ ခုနှစ် ကစပြီး ဒါကိုတာ လေယာဉ် တစ်ပတ်ကို နှစ်ရက်ကျတိုးမြှင့်ပေးခဲ့တာ လေးနှစ်တိတိ ဖြစ်ပါတယ်။ နောက်ပွင့်လင်းရာသီ ရောက်လာတဲ့အခါမှာ ကျွန်တော်တို့ တွင်အော်တာကို တစ်ပတ်ကိုသုံးရက် အားလုံး ခုနစ်နှစ်တိတိ မြှင့်ပေးခဲ့ပါတယ်။ အဲတော့ ခရီးစဉ်တွေကတော့ ရန်ကုန်-သံတွဲ-ကျောက်ဖြူ-အမ်း နောက် ရန်ကုန်-သံတွဲ-မာန်အောင်-စစ်တွေ နောက် ဂွမြို့နယ်နဲ့ ညောင်ဦးမြို့နယ်တို့အထိ ကျွန်တော်တို့ ပြေးဆွဲ နိုင်ခဲ့ပါတယ်။ သို့ဖြစ်ပါ၍ ရခိုင်ပြည်နယ်၊ မာန်အောင်ကျွန်းရှိ ကျောင်းသူ၊ ကျောင်းသားများ အားလုံးဟာ မာန်အောင်မြို့မှ ကျောက်ဖြူ၊ စစ်တွေသို့လည်းကောင်း၊ သံတွဲ၊ ပုသိမ်၊ ရန်ကုန်သို့ လည်းကောင်း ရေလမ်းခရီးတစ်ခုတည်းကိုသာ အားကိုးသွားလာနေကြရပါ၍ ကျန်းမာရေးကိစ္စ၊ အရေးကြီးလူနာများ အမြန်ဆုံးသွားလာဆေးကုသနိုင်ရေးအတွက် မာန်အောင်မြို့ အနောက်ဘက် သုံးမိုင်အကွာမှာရှိတဲ့ ကျွန်းပတ်လမ်းဘေးက စမုံတဲလေယာဉ်ကွင်းကိုတိုးချဲ့လုပ်ဆောင်ကာ လေယာဉ် ခရီးစဉ်ရရှိအောင် ကျောင်းသူ၊ ကျောင်းသားများအားလုံးက အလွန်ပဲ အာသီသပြင်းပြ စိတ်ဆန္ဒရှိနေ ကြပါ၍ လေယာဉ်ကွင်းတိုးချဲ့ပေးရန် အစီအစဉ် ရှိ၊ မရှိနဲ့ အစီအစဉ်ရှိပါကလည်း မည့်သည့်နှစ်တွင် စတင်လုပ်ဆောင်နိုင်မည်ကို ပြန်ကြားပေးပါရန် မေးမြန်းပါသည်။