(င)-ကျုံပျော်မြို့နယ်၊ ဒိုက်ပျက်တိုက်နယ်ဆေးရုံနှင့်စပ်လျဉ်းသည့်မေးခွန်း
ကျုံပျောမြို့နယ်၊ ဒိုက်ပျက်တိုက်နယ်ဟာ ကျုံပျော်မြို့ရဲ့မြောက်ဘက်ဆုံးမှာတည်ရှိပြီး သွားလာရေး အလွန်ခက်ခဲတဲ့ဒေသတစ်ခုဖြစ်ပါတယ်။ ဒိုက်ပျက်တိုက်နယ်မှာ ဒေသန္တရကျန်းမာရေးဌာနတစ်ခုကို ၁၉၇၈ ခုနှစ်မှာ ဖွင့်လှစ်ပေးခဲ့ပါတယ်။ ပိုမိုကောင်းမွန်ပြည့်စုံတဲ့ဆေးကုသမှုရရှိနိုင်စေဖို့ ၁၉၉၁ ခုနှစ် မှစပြီး ကိုယ့်အားကိုယ်ကိုးတည်ဆောက်ခဲ့ကြတာ အကြမ်းထည်ပင်မဆောင်၊ အမျိုးသမီးဆောင်၊ အမျိုးသားဆောင်နဲ့ ခွဲစိတ်ဆောင်ပါဝင်တဲ့ ဖွဲ့စည်းပုံမကျသေးတဲ့ ဆေးရုံတစ်ရုံတည်ရှိနေပြီးဖြစ်ပါ တယ်။ ဒိုက်ပျက်တိုက်နယ်ဟာ ကျေးရွာအုပ်စု ၁၈ ခု၊ ကျေးရွာခွဲပေါင်း ၁၂၃ ရွာ၊ ပြည်သူလူထုပေါင်း ၃၆၆၁၆ ဦးနေထိုင်ပြီးတော့ ဒိုက်ပျက်ကျေးရွာဟာ ကျုံပျော်ဆေးရုံနဲ့ မိုင် ၂၀၊ ရေကြည်ဆေးရုံနဲ့ ၁၇ မိုင်၊ ဟင်္သာတဆေးရုံနဲ့ မိုင် ၂၀ ကွာဝေးတဲ့နေရာမှာတည် ရှိနေပါတယ်။ အရေးပေါ်ကျန်းမာရေး ကိစ္စများပေါ်ပေါက်လာတဲ့အခါ အသက်အန္တရာယ်ထိခိုက်မှုများရံဖန်ရံခါ ကြုံတွေ့နေရသည်များပင်ရှိ သည့်အတွက် ဒိုက်ပျက်တိုက်နယ်ရှိ ကိုယ့်အားကိုယ်ကိုးတည်ဆောက်ထားတဲ့ဆေးရုံအား တိုက်နယ် ဆေးရုံအဖြစ် အဆင့်တိုးမြှင့်ပေးနိုင်မည့် အစီအစဉ်ရှိ၊ မရှိသိလိုပါကြောင်း မေးမြန်းပါသည်။