(င)-မင်းလှတောင်ကျချောင်းကူး တံတားအားမည်သည့်ဘဏ္ဍာရေးနှစ်တွင် ဆောက်လုပ်ပေးသွား မည်ကို သိလိုသည် နှင့် စပ်လျဉ်းသည့် မေးခွန်း
2020-12-23
ပဲခူးတိုင်းဒေသကြီး၊ မင်းလှမြို့နယ်ရှိ မင်းလှ တောင်ကျချောင်း ချောင်းကူးတံတားဆောက်လုပ်ပေးရေးအတွက် မင်းလှမြို့ ပြည်သူ့လွှတ်တော်ကိုယ်စားလှယ် ဦးမောင်တိုး၏ ကြယ်ပွင့်မပြသောမေးခွန်းကို ၂၀၁၂-၂၀၁၃ ဘဏ္ဍာရေးနှစ် ဖြည့်စွက်ရန်ပုံငွေတွင် တင်ပြတောင်းခံပြီး ဆောင်ရွက်ပေးသွားမည်ဖြစ်ကြောင်း စာဖြင့်ဖြေကြားခဲ့ပါသည်။ သို့ရာတွင် ၂၀၁၂-၂၀၁၃ ဘဏ္ဍာရေးနှစ်ဖြည့်စွက်ရန်ပုံငွေတွင် တင်ပြတောင်းခံခြင်း မတွေ့ရှိရဘဲ ဆောင်ရွက်ပေး ခြင်းလည်း မရှိသည်ကို တွေ့ရှိရပါသည်။ သို့ဖြစ်ပါ၍ ကတိကဝတ်ပြုထားသည့် အတိုင်း မည်သည့် အတွက် ဆောင်ရွက်နိုင်ခြင်း မရှိသည်ကိုလည်းကောင်း ဖော်ပြပါမင်းလှချောင်း တံတားအား မည်သည့် ဘဏ္ဍာရေးနှစ်တွင် မည်ကဲ့သို့ဆောက်လုပ်ပေးသွားမည်ကိုလည်းကောင်း သိရှိလိုပါသဖြင့် ဖြေကြား ပေးနိုင်ပါရန် မေးမြန်းပါသည်။