ကျွန်တော်တို့မြန်မာနိုင်ငံမှာ ဆီကြိတ်ဖတ်များဖြစ်တဲ့ ပဲဖတ်၊ နှမ်းဖတ်၊ ပဲပုတ်ဖတ်၊ ပန်းနှမ်းဖတ်၊ နေကြာဖတ်၊ ဝါဖတ်တို့ဟာ အထူးအထွက်ကောင်း၍ တစ်နှစ်ပတ်လုံး ထွက်ရှိပါတယ်။ ထို့အပြင် ပဲမျိုးစုံတို့မှ ပဲခွံ၊ ပဲနှစ်များနှင့် နွေစပါး၊ မိုးစပါးတို့မှ ဆန်ကွဲနဲ့ ဖွဲများလည်း တစ်နှစ်ပတ်လုံးရရှိပါတယ်။ ထို့ကြောင့်ပေါများစွာရတဲ့ တိရစ္ဆာန်အစာများကို ပြည်တွင်း၌သုံး၍မကုန်က ပြည်ပသို့ပို့ခွင့်ပြုခြင်းဖြင့် တောင်သူများအတွက် သင့်တင့်မျှတသောသီးနှံတို့ရဲ့ဈေးကိုရရှိ၍ အကျိုးရှိလိမ့်မည်လို့ ယူဆပါတယ်။ ထို့အပြင် ပြည်ပမှ တိရစ္ဆာန်အစာကုန်ကြမ်းဖြစ်တဲ့ ပဲပုတ်ဖတ်တို့၊ ဖွဲနုများကို တင်သွင်းခြင်းဖြင့် နိုင်ငံတော်အတွက် အရေးကြီးတဲ့ကဏ္ဍမှာ အသုံးပြုရန်ရှိတဲ့ Earning Money Dollar များကို မလိုအပ်ဘဲ သုံးစွဲသလို ဖြစ်နေပါ၍ နိုင်ငံအတွက်လည်းအကျိုးမရှိ၊ တောင်သူများအတွက်လည်း သီးနှံဈေးနှုန်းများ လျော့ကျသွားစေနိုင်တဲ့အတွက် ဆိုးကျိုးများကို ဖြစ်စေနိုင်ပါတယ်။ ဒါကြောင့်မို့လို့ ပြည်ပမှ ပဲပုတ်ဖတ်နှင့် ဖွဲနုများတင်သွင်းခွင့်ကို တားမြစ်ပေးပါရန် အစီအစဉ် ရှိ၊ မရှိ မေးမြန်းပါသည်။