(ဃ)-သားငှက်ထိန်းသိမ်းရေးစခန်းများ ဖွင့်လှစ်ဆောင်ရွက်နေခြင်းသည် ဒေသနှင့် နိုင်ငံတော်အတွက် မည်မျှ အကျိုးသက်ရောက်မှုရှိသည်ကို သိလိုသည်နှင့်စပ်လျဉ်းသည့်မေးခွန်း
မြန်မာနိုင်ငံ ဒေသအချို့မှာ သားငှက်ထိန်းသိမ်းရေးစခန်းများကို ဖွင့်လှစ်ပြီးတော့ ဘေးမဲ့တောတွေ ထိန်းသိမ်း နေတာ ရှိပါတယ်။ ထမံသီ သားငှက်ထိန်းသိမ်းရေး စခန်းခွဲအနေနဲ့ ခန္တီးမြို့နယ်ရဲ့ တောင်ဘက် ချင်းတွင်းမြစ်ရဲ့ အရှေ့ဘက် ရှိတ်ကောက်တောင်းအုပ်စုနှင့် လိန်းစင်အုပ်စုကြားရှိ နန်ဖီးလင်းနှင့် နန်အိစုကြား ချောင်းတစ်လျှောက်မှာ ဘေးမဲ့တောတွေ သတ်မှတ်ပြီးတော့ ထိန်းသိမ်းထားတာ ရှိပါ တယ်။ ခန္တီးမြို့နယ်ရဲ့ မြောက်ဘက်ခြမ်း ဟောင်ဆိုင်အုပ်စုနှင့် နန်ဖာအုပ်စုမှာလည်း တနိုင်းသားငှက် ထိန်းသိမ်းရေး စခန်းခွဲကနေပြီးတော့ ဘေးမဲ့တောတွေသတ်မှတ်ပြီးတော့ ထိန်းသိမ်းနေတာရှိပါတယ်။ အဲဒီသားငှက်ထိန်းသိမ်းရေး စခန်းတွေဟာ သက်ဆိုင်ရာကျေးရွာအုပ်စုတွေနဲ့ နီးကပ်ပြီးတော့ လူဦးရေ တိုးတက်လာသည်နှင့်အမျှ အဲဒီသားငှက်ထိန်းသိမ်းရေးစခန်းတွေမှာ သွားရောက်လုပ်ကိုင် စားသောက်နေတာ ရှိပါတယ်။ အဲဒီလို သွားရောက်လုပ်ကိုင်စားသောက်ကြတဲ့ အတွက်ကြောင့်မို့ မကြာခဏ ပြဿနာတွေဖြစ်ပြီးတော့ ြဖေရှင်းနေရတာ ဖြစ်ပါတယ်။ တချို့သောလုပ်ငန်းတွေမှာဆိုရင် တရားဝင်လုပ်ကိုင်ခွင့်မရှိဘဲ တရားမဝင်လုပ်ရမယ့် သဘောမျိုး တွေ့နေရပါတယ်။ ဥပမာအားဖြင့် သားငှက်ထိန်းသိမ်းရေးစခန်းတွေမှာ တရားဝင်သတ္တုတူးဖော်ခြင်း ကုမ္ပဏီများအနေနဲ့ ဆောင်ရွက်လို့ မရသော်လည်း ပုဂ္ဂလိက တရားမဝင်လုပ်နေတာတွေ ရှိပါတယ်။ ဒါကြောင့်မို့ ဒီထိန်းသိမ်းနေတဲ့ စခန်းတွေအနေနဲ့ တကယ်ရော သားငှက်တွေ ရှိပါသေးသလား။ ထိန်းသိမ်းတဲ့အပိုင်းမှာရော တိုင်းပြည် နှင့်ဒေသအတွက် အကျိုးရောရှိပါသလား။ ထိန်းသိမ်းတဲ့လူတွေနဲ့ ပြည်သူလူထု ပဋိပက္ခဖြစ်ပြီးတော့ မကြာခဏြဖေရှင်းနေရတဲ့အတွက်ကြောင့်မို့လို့ ကျွန်တော့်အနေနဲ့ မေးလိုတဲ့မေးခွန်းကတော့ သားငှက် ထိန်းသိမ်းရေး စခန်းများဖွင့်လှစ်နေခြင်းသည် ဒေသနှင့်နိုင်ငံတော်အတွက် မည်သို့အကျိုး သက်ရောက်မှုရှိပါသည်ကို သိလိုကြောင်း မေးမြန်းပါသည်။