(ဆ)-မိုးညို-မင်းလှလမ်းရှိ ထန်းပင်ကုန်းတံတားပြုပြင်ပေးရန်နှင့် စပ်လျဉ်းသည့် မေးခွန်း
မိုးညိုမြို့နယ်ဟာ ၁၉၈၀-၁၉၈၅ ခုနှစ် အတွင်းမှာမြစ်ရေတိုက်စားမှုကြောင့် သုံးကြိမ်ရွှေ့ပြောင်းရတဲ့ မြို့တစ်မြို့ဖြစ်ပါတယ်။ ယခုအခါမှာ မိုးညိုမြို့နယ်ဟာ လယ်ခင်းများ ကောင်းမွန်ပြီး ဆီထွက်သီးနှံနှင့်ပတ်သက်၍ သာယာဝတီခရိုင်ရဲ့ ဆီအိုးဖြစ်တဲ့အပြင် ဂုန်လျှော် စိုက်ပျိုးမှုနှင့် ပတ်သက်ပြီး တစ်နိုင်ငံလုံးပထမဆု လေးကြိမ်ရရှိခဲ့တဲ့မြို့တစ်မြို့ ဖြစ်ပါတယ်။ လယ်ယာ ကိုင်းကျွန်းများ ကောင်းလာတာနဲ့အမျှ စီးပွားရေးဖွံ့ဖြိုးစ မြို့တစ်မြို့ ဖြစ်ပါတယ်။ ဒါကြောင့် ကုန်စည် စီးဆင်းမှုအဆင်ပြေချောမွေ့စေရေးနဲ့ ခရီးသွားပြည်သူများလမ်းပန်းဆက်သွယ်ရေး ကောင်းမွန်စေရေး ဟာ မိုးညိုမြို့မှ ရန်ကုန်-ပြည်လမ်းမကြီးသို့ အဓိကထွက်ပေါက်ဖြစ်သော မိုးညို-မင်းလှလမ်းပိုင်းရှိ ထန်းပင်ကုန်း-ဘေလီတံတားသည် ၁၉၈၀-၁၉၈၂ ခုနှစ်မှာ စတင်ဖွင့်ခဲ့ပြီး မိုးအခါမှာ မကြာခဏ ဆိုသလို ခရီးသွားပြည်သူများ လမ်းဆင်းလျှောက်ရခြင်း၊ စားကုန်များကို ယာဉ်ငယ်များနှင့်ကဲ့ရခြင်းများ ဖြစ်ပေါ်နေပါတယ်။ ဒါ့ကြောင့် ကျွန်တော်မေးမြန်းလိုတဲ့ မေးခွန်းကတော့ ကုန်စည်စီးဆင်းမှု ချောမွေ့စေရေးနှင့် ခရီးသွားပြည်သူများ အဆင်ပြေစွာသွားလာနိုင်ရေးအတွက် ပေအရှည် ၅၀၀၊ အကျယ် ၁၂ ပေ၊ အမြင့် ၃၄ ပေ ရှိထန်းပင်ကုန်း-ဘေလီတံတားအား အဆင့်မြှင့်တင်ဆောင်ရွက်ပေး ရန် ရှိ၊ မရှိ သိလို ပါကြောင်း မေးမြန်းပါသည်။