ပြည်ပ ကတင်သွင်းသော အချို့သော ချယ်ရီကားများမှ ထွက်သော အခိုးအငွေ့များသည် အဆုတ်ရောဂါ ဖြစ်စေနိုင်တဲ့အတွက် အချို့နိုင်ငံများမှာ ထိုအမျိုးအစားယာဉ်များကို ပြန်လည်စိစစ်၍ သိမ်းဆည်း ခြင်းများရှိကြောင်းကြားသိနေရပါတယ်။ မိမိတို့နိုင်ငံသို့ တင်သွင်းသော ချယ်ရီကားများတွင် အလားတူ အဆုတ်ရောဂါဖြစ်စေသော၊ ဓာတ်ငွေ့ထွက်စေသော ပစ္စည်းများမပါကြောင်း သက်ဆိုင်ရာကုမ္ပဏီမှ ဖြေရှင်းချက်ပေးကြောင်းကိုလည်း ကြားသိရပါတယ်။ ဤကိစ္စသည် တစ်မျိုးသားလုံးရဲ့ ကျန်းမာရေးနှင့် တိုက်ရိုက်ပတ်သက်နေတာဖြစ်တဲ့အတွက် အဆိုပါချယ်ရီကားများမှ အဆုတ်ရောဂါဖြစ်စေတဲ့ ဓာတ်ငွေ့များ ထွက်ပေါ်စေတဲ့ပစ္စည်းများပါ၊ မပါကို သက်ဆိုင်ရာဝန်ကြီးဌာနမှ မိမိတို့ ပညာရှင်များ ကိုယ်တိုင်ခွဲခြမ်းစိတ်ဖြာစိစစ်ပြီး ပြည်သူအများစုကို ထုတ်ပြန်ကြေညာရန် အစီအစဉ်ရှိ၊ မရှိ သိလိုကြောင်း မေးမြန်းပါသည်။   

[ဦးအောင်သိန်းလင်း၊ တောင်ဥက္ကလာပမဲဆန္ဒနယ် ကိုယ်စား ဦးအေးမြင့်၊ အင်းစိန်မဲဆန္ဒနယ်မှ မေးမြန်းပါသည်။]