ပြည်ထောင်စုသမ္မတမြန်မာနိုင်ငံတွင် အစိုးရဝန်ကြီးဌာနများမှ စွမ်းအင်ချွေတာရေးအတွက် သော်လည်းကောင်း၊ သဘာဝပတ်ဝန်းကျင် ထိန်းသိမ်းရေးအတွက်သော်လည်းကောင်း အကန့်အသတ ်များဖြင့် မော်တော်ကားအသုံးမပြုရနေ့ တစ်နေ့ထားရှိကြောင်းသိရပါသည်။ ယခုအခါတွင် ကမ္ဘာနဲ့အဝှမ်း သဘာဝပတ်ဝန်းကျင်ထိန်းသိမ်းရေး အစီအစဉ်ဆောင်ရွက်ချက်အနေဖြင့် နိုင်ငံ၏မြို့တော်၊ ကားရှုပ်ထွေးသော မြို့ကြီးများတွင် တနင်္ဂနွေနေ့ တစ်ရက်သော်လည်းကောင်း၊ တစ်နှစ်တွင် တစ်ရက် မော်တော်ကားအသုံးမပြုရ Car Free Zone နေ့ တစ်နေ့စတင်စမ်းသပ်ဆောင်ရွက်လျက်ရှိကြောင်း ရေဒီယို၊ တီဗွီသတင်းများမှ တစ်ဆင်‌့ကြားသိမြင် တွေ့နေရပါတယ်။ သို့ဖြစ်ပါ၍ မြန်မာနိုင်ငံ ရန်ကုန်မြို့၊ မန္တလေးမြို့စသော မြို့ကြီးများတွင် မော်တော်ကားအသုံးမပြုရနေ့ တစ်နှစ်တွင်တစ်နေ့သတ်မှတ်ပေးရန် အစီအစဉ် ရှိ၊ မရှိ သိလိုပါတယ်။ အစီအစဉ်မရှိသေးလျှင် မည်ကဲ့သို့ ပြဿနာအခက်အခဲများရှိနေသေးကြောင်းနှင့် မည်သည့်အချိန် ကာလများတွင် ဆောင်ရွက်ရန်ရှိကြောင်း မေးမြန်းပါသည်။