(ဃ)-ကဝမြို့နယ်အတွင်း မိုးတွင်းကာလ စိုက်ပျိုးမြေများ ရေနစ်မြုပ်မှု အခြေအနေနှင့်စပ်လျဉ်းသည့်မေးခွန်း
ကျွန်တော်တို့ ပဲခူးတိုင်းဒေသကြီး၊ ကဝမြို့နယ် သက္ကလ၊ အုန်းနှဲ၊ ပိုင်ကျုံ၊ ဇွဲကိုက်ဒေသအတွင်းမှာ ၂၀၁၂ ခုနှစ် မိုးတွင်းကာလ ဇူလိုင်၊ သြဂုတ်လများတွင် ရေကြီးသဖြင့် စပါးစိုက်ပျိုးမြေဧက ၂၀၀၀၀ ခန့်တစ်လကျော်ကြာ ရေနစ်မြုပ်ခဲ့ပါတယ်။ ၂၀၁၂-၂၀၁၃ ဘတ်ဂျက်နှစ် တွင် ပဲခူးတိုင်းဒေသကြီး ပဲခူး၊ ကဝ၊ သနပ်ပင်၊ ဝေါမြို့နယ်များတွင် ရေကြီးခြင်းမှ ကာကွယ်ရန်အတွက် ဘတ်ဂျက်ငွေသန်း ၁၀၀၀ နိုင်ငံတော်ကခွင့်ပြုပြီး လယ်ယာစိုက်ပျိုးရေးနှင့် ဆည်မြောင်းဝန်ကြီးဌာနမှ လုပ်ငန်းများဆောင်ရွက်ပေးခဲ့ပါတယ်။ ကဝမြို့နယ်တွင် ယခင်နှစ်များက ရေကြီးခဲ့သည့် လယ်ယာမြေ များအနက် လေးပုံသုံးပုံခန့် ရေမကြီးတော့ပါ။ သို့သော် ပြီးခဲ့တဲ့ မိုးတွင်းကာလတွင် သက္ကလ၊ အုန်းနှဲ၊ ပိုင်ကျုံ၊ ဇွဲကိုက်ဒေသသည် ၁ လကျော်ခန့် စပါးစိုက်ပျိုးပြီးသည့် လယ်မြေများ ရေနစ်မြုပ်ခဲ့ပါတယ်။ ဒါကြောင့်မို့လို့ အဲ့ဒီကိစ္စကို ဆက်လက်ပြီးတော့ မြေပြင် တိုင်းတာဆောင်ရွက်ပေးရန်နှင့် ဘယ်လို ဆောင်ရွက်ပေးမည်ကို မေးမြန်းပါသည်။