[ဦးသန်းမြင့်၊ ဝမ်းတွင်းမဲဆန္ဒနယ်ကိုယ်စား ဦးသန်းစိုး၊ သာစည်မဲဆန္ဒနယ်မှ မေးမြန်းပါသည်။]

ပဲ၊ ပြောင်း၊ နှမ်း၊ ငရုတ်အစရှိတဲ့ ကောက်ပဲသီးနှံ၊ ဟင်းသီးဟင်းရွက် အထွက်တိုးမျိုးကောင်းများကို အချို့နေရာဒေသများ၌ တောင်သူကြီးများသည် ထိုင်း၊ တရုတ်၊ ထိုင်ဝမ်နိုင်ငံတို့မှလာသည်‌့ အထွက်တိုးမျိုးများကို ဈေးကြီး ပေးဝယ်ယူ စိုက်ပျိုးနေရကြောင်း သိရှိရပါတယ်။ အဆိုပါ အထွက်တိုးလိုအပ်ချက်များကို တိုင်း ဒေသကြီးနှင့် ပြည်နယ်ဒေသများရှိ မြို့နယ်များမှာ တောင်သူဦးကြီးများ အဆင်ပြေစေရန် စိုက်ပျိုးစေ ရန်အတွက် လယ်ယာစိုက်ပျိုးရေးနှင့် ဆည်မြောင်းဝန်ကြီးဌာနအနေဖြင့် ရောင်းချရေးစခန်းများ၊ စိုက်ပျိုးရေး နည်းပညာပေးခြင်းများနှင့် သီးနှံအထွက်တိုးမျိုးများပြုလုပ်သည်‌့ သုတေသနလုပ်ငန်းများ နှင့် ထွက်ရှိသည်‌့သီးနှံများကို ပြန်လည်ရောင်းချရေးနှင့် စီစဉ်ပေးရေးများကို ဆောင်ရွက်ပေးရန်ရှိ၊ မရှိ မေးမြန်းပါသည်။