(က)-အမြန်လမ်းဘေးမြို့ချောင်းကျေးရွာနှင့်ဆက်သွယ် ထားသောလမ်းပေါ်ရှိ ကင်းရွာသို့ဆက်သွယ်သော သဌေးကုန်း-ကင်းရွာလမ်းအား ပြုပြင်ပေးရန် အစီ အစဉ် ရှိ/မရှိ နှင့် စပ်လျဉ်းသည့် မေးခွန်း
ကျေးလက်ဒေသဖွံ့ဖြိုးရေးနှင့်ပတ်သက်တဲ့မေးခွန်းတစ်ခုမေးမြန်း လိုပါတယ်။ ကျွန်တော်တို့ ပဲခူးတိုင်းဒေသကြီး၊ ကျောက်တံခါးမြို့နယ် ရန်ကုန်-မန္တလေးလမ်းဟောင်း ဘေးရှိ သူဌေးကုန်းကျေးရွာမှ အမြန်လမ်းဘေးမြို့ချောင်းကျေးရွာသို့ဆက်သွယ်ထားသော လမ်းပေါ်ရှိ ကင်းရွာသို့ဆက်သွယ်သော သူဌေးကုန်း-ကင်းရွာလမ်းမှာ အရှည် ၁၀ မိုင် ၂ ဖာလုံခန့်ရှိပြီး ၂၀၀၉-၂၀၁၀ ခုနှစ်တွင် GE တပ်မှ ၁၂ ပေအကျယ် ကျောက်ချောလမ်းအဖြစ်ဆောင်ရွက်ခဲ့ပါတယ်။ ယင်းလမ်းဘေးတွင် ကျေးရွာအုပ်စု ၄ အုပ်စု၊ ရွာပေါင်း ၂၀၊ အိမ်ခြေ ၁၇၃၉၊ လူဦးရေ ၁၁၇၇၂ ဦးတို့ မှီတင်းနေထိုင်သွားလာကြပါတယ်။ ယခုအခါတွင် သစ်လုံးတင်ယာဉ်ကြီးများ၊ သစ်ခွဲသားတင် ယာဉ်ကြီးများသွားလာမှုကြောင့် လမ်းပျက်စီးလျက်ရှိရာ သွားလာရေးတွင်ခက်ခဲခြင်း၊ ကျန်းမာရေး၊ လူမှုရေးကိစ္စများဆောင်ရွက်ရာတွင် အခက်အခဲများရှိနေခြင်းကြောင့် ဤဆက်သွယ်ရေးလမ်းမကြီး ပျက်စီးနေသည်ကို ပြုပြင်ပေးရန်အစီအစဉ်ရှိ။မရှိနှင့် ရှိပါကမည်သည့် အချိန်တွင်ပြုပြင်ပေးမည်။ မရှိပါက မည်သည့်အကြောင်းကြောင့်ဆိုသည်ကိုသိရှိလိုပါသဖြင့် မေးမြန်းပါသည်။