(စ)-ရွှေလီစီမံကိန်းမြစ်ကူးတံတားအတွက် ၂၀၁၃-၁၄ ဘဏ္ဍာရေးနှစ်အတွင်း တံတား၏ ပြီးစီးမှု ၅၀%ကို ဖြည့်စွက် ရန်ပုံငွေဖြင့် ချထားပေးပြီး အပြီးသတ် ဆောက်လုပ်ရန် အစီအစဉ် ရှိ/မရှိ၊ စပ်လျဉ်းသည့် မေးခွန်း
ကချင်ပြည်နယ်နှင့် ဆက်စပ်လျက်ရှိသော မဘိမ်းမြို့နယ်ရှိ ဗျူဟာလမ်းကြီးမှာ မိုးကုတ်-မိုးမတ်-မဘိမ်း-ဗန်းမော်လမ်းမကြီး ဖြစ်ပါကြောင်း၊ ၁၉၇၃ ခုနှစ် စတင်ဖောက်လုပ် ခဲ့သော်လည်း နယ်မြေမအေးချမ်းမှု၊ တရားဥပဒေမစိုးမိုးမှုကြောင့် ယနေ့အထိ နွေရာသီ၌်သာ ပိုမိုတွင်ကျယ်စွာသွားလာနိုင်ကြောင်း၊ ယင်းလမ်းမကြီးမှာ အဓိက လမ်းမကြီးဖြစ်သဖြင့် မိုးမိတ်မြို့နှင့် မဘိမ်းမြို့နယ် ရွှေလီ စီမံကိန်း တံတားကြီးပြီးစီးပါက မန္တလေး-မိုးကုတ်-မဘိမ်း-ဗန်းမော် ခရီးစဉ်သွားမည့် လုပ်သားပြည်သူများ ပိုမိုအကျိုးရှိမည်ဖြစ်ပါကြောင်း၊ ယခုအချိန်တွင် ရွှေလီမြစ်ကို မော်တော်ငယ်များဖြင့် ကူးနေရသဖြင့် ခရီးလမ်းကြန့်ကြာမှု၊ ကုန်ဈေးနှုန်းနှစ်ဆ ကြီးမှုတို့ကို ခံစားနေရပါကြောင်း၊ ယခုအခါ ရွှေလီစီမံကိန်းတံတားသည် ၅၀ ရာခိုင်နှုန်းပြီးစီးနေပြီး ကျန် ၅၀ ရာခိုင်နှုန်းပြီးစီးမှုကို ဆောင်ရွက်ပေးပါက ဒေသခံလုပ်သားပြည်သူများလည်း အကျိုးဖြစ်ထွန်းမည်ဖြစ်သည့် အတွက် ရွှေလီစီမံကိန်းတံတားကို ၂၀၁၃-၁၄ ဘဏ္ဍာရေးနှစ်အတွင်း တံတား၏ ပြီးစီးမှု ကျန် ၅၀ ရာခိုင်နှုန်းကို ဖြည့်စွက်ရန်ပုံငွေဖြင့် လျာထားပေးပြီး အပြီးသတ်ဆောက်လုပ်ရန် အစီ အစဉ်ရှိ/မရှိနှင့် ရှိပါက မည်သည့်အချိန်တွင် ပြီးစီးမည်ကို သိလိုပါကြောင်း မေးမြန်းပါသည်။