ပြည်သူ့လွှတ်တော်၊ အမျိုးသားလွှတ်တော်ကျင်းပပုံတွေနှင့်  ပြည်ထောင်စု လွှတ်တော်ကျင်းပပုံတွေကို Sky Net ရုပ်သံလိုင်းမှာ စတုတ္ထပုံမှန်အစည်းအဝေးမှ စပြီးတော့ ဇူလိုင်လ ၄ ရက်၊ ၅ ရက်နေ့မှစပြီးစမ်းသပ်ထုတ်လွှင့်မှုကစပြီး ယခုအချိန်အထိ ၂၄ နာရီ နှစ်နာရီနောက်ကျ ပတ်လည်ပုံစံနဲ့ ထုတ်လွှင့်ပြသနေတာကို သိရပါတယ်။ Sky Net ရုပ်သံရဲ့ လွှတ်တော် Channel အစီအစဉ်ကြောင့်မို့လို့လည်း ပြည်သူလူထုက လွှတ်တော်ရဲ့အသံကို တိုက်ရိုက်ကြားသိရလို့ ဝမ်းမြောက်ဝမ်းသာ ဖြစ်ကြရတာကိုလည်း ကြားနေရပါတယ်။ လွှတ်တော်ရဲ့ဆောင်ရွက်ချက်များကို ချီးကျူးနေတာလည်း ကြားသိရပါတယ်။ သို့သော်လည်း လွှတ်တော် Channel ထုတ်လွှင့်မှုကို တစ်နိုင်ငံလုံး ပြည်သူတွေက ကြားသိနိုင်ဖို့အတွက် လွှတ်တော် Channel ကို အခမဲ့ထုတ်လွှင့်ပြသဖို့ လိုအပ်ပါတယ်။ သို့ပါ၍ ပြည်သူ့အသံ လွှတ်တော်အသံ၊ ပြည်သူ့ဆန္ဒ လွှတ်တော်ဆန္ဒ၊ ပြည်သူတွေရဲ့ မျှော်လင့်ချက် လွှတ်တော်ကဖော်ဆောင်ရွက်ဆိုတဲ့ ဆောင်ပုဒ်နှင့်အညီ လွှတ်တော်ရဲ့ဆောင်ရွက်မှု တွေကို ပြည်သူတွေ တိုက်ရိုက်ကြည့်ရှုနိုင်ဖို့ အောက်ပါမေးခွန်းကို မေးမြန်းလိုပါတယ်။ လွှတ်တော် ရုပ်မြင်သံကြားထုတ်လွှင့်မှု အစီအစဉ်အား MRTV -4 နှင့်အခြား အခမဲ့ရုပ်သံလိုင်းများကဲ့သို့ Free Channel အခမဲ့ရုပ်သံလိုင်းတစ်လိုင်းအဖြစ် သီးသန့်အစီအစဉ်ဖြင့် ပြည်သူတို့အား ထုတ်လွှင့်ပြသရန် အစီအစဉ်ရှိ/မရှိ သိရှိလိုကြောင်း မေးမြန်းပါသည်။