(ဇ)-ပြောင်းလဲလာသော ခေတ်စနစ်နှင့် အညီဖြစ်ထွန်း ပေါ်ပေါက်လာမည့် ပုဂ္ဂလိက ကျန်းမာရေးလုပ်ငန်းများနှင့် ပတ်သက်၍ မည်ကဲ့သို့ ကြိုတင်ပြင်ဆင်မှုများ ဆောင်ရွက် ထားသည် နှင့် စပ်လျဉ်းသည့် မေးခွန်း
ကျန်းမာရေးဝန်ကြီးဌာနလက်အောက်ရှိ ကျန်းမာရေးဦးစီးဌာန၊ ဆေးသိပ္ပံဦးစီးဌာန၊ ကျန်းမာရေး စီမံကိန်းဌာန အစရှိသော တာဝန်ရှိဦးစီးဌာနများသည် ကျန်းမာရေးနှင့်သက်ဆိုင်သော လွှတ်တော်ကော်မတီများ၊ မြန်မာနိုင် ငံဆေး ကောင်စီ၊ မြန်မာနိုင်ငံ ဆရာဝန် အသင်း၊ ပုဂ္ဂလိက ဆေးရုံလုပ်ငန်း ပိုင်ရှင်များ၊ မြန်မာနိုင်ငံသူနာပြုအသင်းများအပြင် နှီးနွယ်မှု ရှိသည့် အသင်းအဖွဲ့များပါမကျန် ဖိတ်ခေါ်၍ ကျန်းမာရေးအာမခံကိစ္စ၊ ကျန်းမာရေးဆိုင်ရာ လူ့စွမ်းအား အရင်းအမြစ် တိုးပွားရေး ကိစ္စ၊ နိုင်ငံခြားရောက် မြန်မာဆေးပညာ ရှင်များ အင်အားရယူခြင်း ကိစ္စ၊ ပြည်သူများအတွက် ဆေးကုသမှု ဆိုင်ရာ အခွင့်အရေးများ၊ ဆေးဘက်ပညာရှင်များအတွက် ဆေးကုသမှုကျင့်ဝတ်၊ စည်းကမ်းကိစ္စများ စသည်များကို အလုပ်ရုံ ဆွေးနွေးပွဲများကျင်းပပြီး လိုအပ်သော ဥပဒေ များဖြည့်စွက်ပြဋ္ဌာန်းနိုင်ရန် လွှတ်တော်သို့တင်ပြခြင်း၊ မူဝါဒများချမှတ်ခြင်း များ အထူး လိုအပ်လျက် ရှိရာ ထိုကဲ့သို့သော အစီအမံများဆောင်ရွက်ရန် အစီအစဉ်ရှိ/မရှိ မေးမြန်းပါသည်။
ဒေါက်တာအောင်သန်း (ရွှေဘို မဲဆန္ဒနယ်) ကိုယ်စား ဦးကျော်မြင့်(အရာတော်မဲဆန္ဒနယ်) က မေးမြန်းပါသည်။