ဇီဝဗေဒဘာသာတွဲတွင် သင်ယူနေသော ကျောင်းသားကျောင်းသူများအတွက် ဇီဝဗေဒဘာသာရပ်သည် အင်္ဂလိပ်လိုသင်ကြားကျက်မှတ် ရသော ဘာသာရပ်ဖြစ်သည့်အပြင် စာမေးပွဲဖြေဆိုချိန်တွင်လည်း နားရက်မရှိ တစ်ဆက်တည်း ဖြေဆိုနေရပါသဖြင့် ကျောင်းသားကျောင်းသူများသည် ကျက်မှတ်ထားရသော စာများကို ပြန်လည် နွှေးချိန်မရပါသဖြင့် စာမေးပွဲတွင် ရမှတ်များရသင်‌့သလောက် လုံးဝမရရှိခဲ့ကြပါ။ ဘောဂဗေဒဘာသာ တွဲ အတွဲ(၁)တွင် သင်ယူနေကြသော ကျောင်းသားကျောင်းသူများနဲ့ နှိုင်းယှဉ်လျှင်လည်း ဘောဂဗေဒ ဘာသာရပ်သည် မြန်မာဘာသာဖြင့်သာ သင်ကြားကျက်မှတ်ဖြေဆိုရသည့် ဘာသာရပ်ဖြစ်ပြီး ၎င်းဘာသာရပ်အတွက် ဖြေဆိုရသော စာမေးပွဲဖြေဆိုရက်အချိန်မှာလည်း ဇီဝဗေဒဘာသာရပ်ထက် စာကျက်ချိန် ၃ ရက် စာနွှေးချိန် ၃ ရက် ပိုရနေသည်ကို တွေ့ရှိရပါသည်။ ဇီဝဗေဒဘာသာရပ် ထက်အားသာနေသည့်အပြင် ကျန်ဘာသာရပ်များကိုလည်း အားစိုက်ချိန်ရသဖြင့် ဇီဝဗေဒဘာသာရပ် အထူးယူသော ကျောင်းသားကျောင်းသူများနှင့်နှိုင်းယှဉ်လျှင် အမှတ်အလွန်များနေသည်ကို တွေ့ရှိရပါ တယ်။ ဇီဝဗေဒမှာ အင်္ဂလိပ်လိုကျက်မှတ်ရပြီး စာမေးပွဲဖြေဆိုချိန်တွင်လည်း နားရက်မရှိ ဆက်တိုက် ကျက်မှတ်ဖြေဆိုနေရပါသဖြင့် ဘောဂဗေဒဘာသာရပ်ထက် ရမှတ်များမရရှိဘဲ အားနည်းနေသည် ကိုလည်း တွေ့ရှိရပါသည်။ ထိုသို့ ဇီဝဗေဒဘာသာရပ်အတွက် အားနည်းချက်များရှိပါသဖြင့် ကျောင်းသားကျောင်းသူများ ဇီဝဗေဒဘာသာရပ်ကို အဓိကဘာသာရပ်အဖြစ်သင်ယူရမှာကို ကြောက်ရွံ့နေခြင်းလည်း ကျွန်တော်တို့ မဖွံ့ဖြိုးသေးတဲ့ ပြည်နယ်မှာ တွေ့ရှိရမှာ အမှန်ဖြစ်ပါတယ်။ ဇီဝဗေဒသာဘာရပ်သည် ကျန်းမာရေးဆေးဝါးပညာအတွက် အခြားအဘက်ဘက်တွင် အလွန်အရေး ပါလှသောကြောင့် ထိုသို့ဆက်ပြီးဖြစ်နေပါက ဇီဝဗေဒဘာသာရပ်သည် တဖြည်းဖြည်းပျောက်ကွယ် မှေးမှိန်သွားမှာကိုလည်း စိုးရိမ်မိပါတယ်။ သို့ဖြစ်ပါ၍ အင်္ဂလိပ်စာသိပ်မကျွမ်းကျင် သိပ်မတတ် မြောက်သေးလို့ ယူဆရတဲ့ ကျွန်တော်တို့ မဖွံ့ဖြိုးသေးတဲ့ တိုင်းရင်းသားဒေသများမှာ အဓိက ကျွန်တော်တို့ ပြည်နယ်တွေမှ ပြည်သူများရဲ့ကိုယ်စား အောက်ပါမေးခွန်းကို မေးမြန်းအပ်ပါတယ်။ ဇီဝဗေဒဘာသာရပ်ကို အဓိကသင်ယူနေကြသော ကျောင်းသားကျောင်းသူများအား စာမေးပွဲဖြေဆိုချိန် တွင် ဘောဂဗေဒဘာသာရပ်နည်းတူ ဖြေဆိုချိန်နှင့် သတ်မှတ်ပေးနိုင်ရန် အစီအစဉ်ရှိ၊ မရှိနှင့် ယခုနှစ်တွင် အစီအစဉ်မရှိပါက အကယ်၍ မည်သည့်နှစ်တွင် အစီအစဉ်ရှိမည်ကို သိရှိလိုသည့်အတွက် မေးမြန်းပါသည်။