ဟုမ္မလင်းမြို့နယ်အတွင်း ကျေးရွာတစ်ရွာမှာ ဖြစ်ပွားခဲ့တဲ့ ဖြစ်စဉ်လေးတစ်ခုကနေပြီးတော့ ဒီမေးခွန်းကို ကျွန်တော်မေးခွင့်ရရှိ လာတာဖြစ်ပါတယ်။ ကျွန်တော့်ရဲ့ ကိုယ်ပိုင်မေးခွန်းတော့ မဟုတ်ပါဘူး။ ကျေးရွာတစ်ရွာမှာ တက္ကသိုလ်ဝင် ကျောင်းသူလေးတစ်ဦးဟာ ကိုယ်လေးလက် ဝန်ရှိလာတဲ့အခါကျတော့ သူနဲ့ပတ်သက်တဲ့ အမျိုးသားတစ်ဦးကို ဖော်ထုတ်စွပ်စွဲခဲ့ပါတယ်။ စွပ်စွဲတဲ့ သူက ရဟန်းတစ်ပါးဖြစ်နေပြီးတော့ ခန်းနေဦးဇင်းတစ်ပါးပဲ ဖြစ်ပါတယ်။ သို့သော်လည်းပဲ လူဝတ်လဲပြီး လက်ထပ်ဖို့ ညှိနှိုင်းပေမယ့်လို့ တရားခံဘက်မှ ငြင်းဆိုခဲ့တဲ့အတွက် မိန်းကလေးရှင်ဘက်က တရားရုံးမှာ တရားစွဲဆိုခဲ့ပါတယ်။ အမှုစစ်ဆေးစဉ် ကာလမှာ ဒီတရားခံက ဒီအမှုမှာ သူကငြင်းဆိုပြီးတော့ သက်သေအထောက်အထားအနေနဲ့ DNA စစ်ဆေးပေးဖို့ဆိုပြီးတော့ တရားသူကြီးကို တောင်းခံလိုက်ပါတယ်။ သို့သော်လည်းပဲ တရားသူကြီး အနေနဲ့ တိုင်းတရားသူကြီးရဲ့ အကူအညီကိုရယူပြီးတော့ ဒီအမှုကို ကနေ့ မြန်မာနိုင်ငံတရားစီရင်ရေး မှာ တရားရုံးသက်သေအထောက်အထားအဖြစ် တရားရုံးများမှာ ခွင့်ပြုချက်မရှိသေးဘူး။ စက်ကိရိယာ ပစ္စည်းလည်းမရှိသေးဘူး။ ကျွမ်းကျင်သူလည်း မရှိသေးဘူး။ ကာယကံရှင်မိန်းကလေးကလည်း ကန့်ကွက်တာဖြစ်တဲ့အတွက် ဒီ DNA စစ်ဆေးမှုတောင်းဆိုချက်ကို တရားသူကြီးက ပယ်ချခဲ့ပါတယ်။ အဲ့ဒီလိုပယ်ချလိုက်ပြီးတဲ့ ရက်မကြာခင်မှာပဲ ကျွန်တော့်ဆီ အဲ့ဒီကျေးရွာက သူနဲ့ပတ်သက်တဲ့ ရွာသူ ရွာသား ၁၀ ဦးလောက် ကျွန်တော့်ဆီရောက်လာပါတယ်။ ဒါဟုတ်သလားတဲ့။ ဒီလိုပယ်ချတာဟာ တကယ်ပဲမရှိဘူးလားဆိုတော့ ကျွန်တော်လည်း မသိပါဘူး။ မသိတော့ ကျွန်တော် လွှတ်တော်မှာ မေးပေးပါမယ်ဆိုပြီးတော့ ကတိပြုခဲ့ပါတယ်။ ပဉ္စမအကြိမ် ပြည်သူ့လွှတ်တော် အစည်းအဝေးမှာ တက်ရောက်ဖို့ တရားရုံးက တရားသူကြီးရဲ့ ငြင်းပယ်ချက်မိတ္တူကို ကျွန်တော့်ကို ပေးပါတယ်။ သို့သော်လည်းပဲ ပဉ္စမအကြိမ်ကာလဟာ ဒီအမှုကပြီးဆုံးခြင်းမရှိသေးဘူး။ တရားသူကြီးက အမိန့်ချ မှတ်ခြင်းမရှိသေးတဲ့အတွက် မေးမြန်းခြင်းမပြုခဲ့ပါဘူး။ အဲ့ဒါနဲ့ ဆဋ္ဌမအကြိမ်ရောက်တော့ ကျွန်တော် လည်း မေ့မေ့ပျောက်ပျောက်ဖြစ်သွားခဲ့ပါတယ်။ အဲ့ဒီအချိန်မှာ လွှတ်တော်ရောက်ပြီး ၁၀ ရက်လောက် အကြာကျတော့ ကျွန်တော်နဲ့ရင်းနှီးတဲ့ ရဟန်းတစ်ပါးကနေပြီးတော့ တယ်လီဖုန်းနှင့်ဆက်ပြီး အကြောင်းကြားပါတယ်။ အဲ့ဒီတရားခံအဖြစ် အကျဉ်းထောင်မှာရောက်နေတဲ့ တရားခံက သူ့အတွက်ကတော့ ပြီးပါပြီတဲ့။ နောင်ဒီလိုအမှုအခင်းတွေ ဖြစ်ပေါ်ခဲ့ရင် တရားရုံးအနေနဲ့ တိကျတဲ့ အဖြေ၊ မြန်ဆန်တဲ့စစ်ဆေးမှုဖြစ်နိုင်အောင် ဒါကို အဲ့ဒီတရားခံက တောင်းဆိုတဲ့အတွက်ကြောင့် ကျွန်တော်နဲ့ရင်းနှီးတဲ့ရဟန်းတစ်ပါးက ဆက်ပြီးအကြောင်းကြားတဲ့အတွက် ဒီမေးခွန်းကို မေးမြန်းရ ခြင်း ဖြစ်ပါတယ်။ အဲ့ဒီတော့ ကျွန်တော်မေးမြန်းလိုတာကတော့ လက်ရှိ ဒီကနေ့ တရားသူကြီး ငြင်းပယ် လိုက်တဲ့ ဒီနေ့ မြန်မာနိုင်ငံတရားရုံးတွေမှာ DNA စစ်ဆေးပြီးတော့ အထောက်အထားရယူမှုမရှိဘူး ဆိုတာ ဟုတ်ပါသလား။ ဒုတိယအချက်အနေနဲ့ကတော့ တကယ်လို့မရှိခဲ့သေးရင် နိုင်ငံတကာမှာ တွင်တွင်ကျယ်ကျယ်ကျင့်သုံးနေတဲ့ DNA စစ်ဆေးပြီး အမှုအခင်းတွေမှာ သက်သေအထောက်အထား ရယူတဲ့ လုပ်ငန်းများကို မြန်မာနိုင်ငံအတွင်းမှာရှိတဲ့ တရားရုံးများက မည်သို့မည်ပုံဆက်လက် ဆောင်ရွက်ပါမည်နည်း၊