လေးစားအပ်ပါသော ပြည်သူ့လွှတ်တော် ဥက္ကဋ္ဌကြီးနှင့် ပြည်သူ့လွှတ်တော်ကိုယ်စားလှယ်များခင်ဗျား။ ကျွန်တော်မေးမယ့် မေးခွန်းနံပါတ်တစ် ကတော့ အားလုံးသိတဲ့အတိုင်း ပရဆေးဂိုဒေါင်ထဲက သိုလှောင်ထားတဲ့ပစ္စည်းတွေကို အကြောင်းပြုပြီး တော့ ပေါက်ကွဲမှုပြင်းထန်ခဲ့တဲ့ ရန်ကုန်တိုင်းဒေသကြီး၊ မင်္ဂလာတောင်ညွန့်မြို့နယ် ကူးတို့ဆိပ်ရပ်ကွက် တွင် ၂၉-၁၂-၂၀၁၁ ရက်နေ့ကဖြစ်ပွားခဲ့သော မီးလောင်ပေါက်ကွဲမှုနှင့်ပတ်သက်၍ ကော်မရှင် တစ်ရပ်ဖွဲ့စည်းကာ စုံစမ်းစစ်ဆေးမှုပြုလုပ်ပြီး နောင်အလားတူပေါက်ကွဲမှုဖြစ်စေနိုင်တဲ့ ပစ္စည်းများ ထားရှိမှုကို ကာကွယ်သောအားဖြင့် အရေးယူနိုင်ရန်အစီအစဉ်ရှိပါသလား။ နောက် ဒုတိယမေးမယ့် မေးခွန်းကတော့ BBC မှာတော့ ဒီသတင်းပါခဲ့ပါတယ်။ သို့သော် ကျွန်တော်တို့ ပြည်တွင်းသတင်း တွေမှာတော့ပါလား၊ မပါလားမသိပါဘူး။ အဲဒါကတော့ ၂၀၁၁ခုနှစ်၊ စက်တင်ဘာလ ၁၆ ရက်နေ့က သင်္ဃန်းကျွန်းမြို့နယ်၊ င/က ရပ်ကွက်၊ ပန်းရိုက်လမ်းမှာရှိတဲ့ ဟုန်ရှင်ငါးအသားလွှာ အအေး ခန်းစက်ရုံမှာ နမိုးနီးယားပေါက်ကွဲမှုဖြစ်ခဲ့တာပါ။ ဒီစက်ရုံဟာ မကြာခဏပေါက်ကွဲမှုဖြစ်တဲ့အတွက် အဲဒီမှာရှိတဲ့ အထူးသဖြင့်ဆင်းရဲသားတွေ အင်မတန်မှတိုးဝှေ့ထွက်ပြေးရပြီးတော့ ဒဏ်ရာဒဏ်ချက် တွေလည်းမကြာခဏရပါတယ်။ အဲဒါနဲ့ပတ်သက်ပြီး သိပါသလား။ အဲဒီတော့ ပြည်သူတွေကို အန္တရာယ်ပေးနိုင်တဲ့ စက်ရုံ၊ အလုပ်ရုံများမှာ ပေါက်ကွဲစေတတ်သည့်ပစ္စည်းများနှင့် အလှမ်းကွာဝေး သောနေရာများသို့ပြောင်းရွှေ့ပေးရန် အစီအစဉ်ရှိပါသလား။ အစီအစဉ်ရှိပါတယ်ဆိုရင် ရန်ကုန်လို လူနေသိပ်သည်းတဲ့ မြို့ကြီးပြကြီးတွေမှာ ဘယ်အချိန်မှာ ဘယ်လိုဆောင်ရွက်ပေးမယ်ဆိုတာသိလို ကြောင်း လေးစားစွာမေးမြန်းထားပါသည်။