လေးစားရပါသော ပြည်သူ့လွှတ်တော် ဥက္ကဋ္ဌကြီးနှင့် ပြည်သူ့လွှတ်တော်ကိုယ်စားလှယ်များ၊ ဖိတ်ကြားထားသော ပြည်ထောင်စုဝန်ကြီးများနှင့် ဧည့်သည်တော်များ မင်္ဂလာအပေါင်းနှင့်ပြည့်စုံပါစေကြောင်း ဆုတောင်းမေတ္တာပို့ရင်း နှုတ်ခွန်းဆက်သ အပ်ပါတယ်။ ကျွန်တော်ကတော့ ဧရာဝတီတိုင်းဒေသကြီး လေးမျက်နှာမဲဆန္ဒနယ်မှ ပြည်သူ့လွှတ်တော် ကိုယ်စားလှယ် ဦးဘဌေးဖြစ်ပါတယ်။ ကျွန်တော်မေးမြန်းမှာကတော့ လေးမျက်နှာမြို့နယ်တွင် မြို့နယ် ခန်းမဆောက်လုပ်ပေးနိုင်မှု အခြေအနေရှိ၊ မရှိသိလိုခြင်းဖြစ်ပါတယ်။ ဥက္ကဋ္ဌကြီးခင်ဗျား။ လေးမျက်နှာ မြို့သစ်ပြောင်းရွှေ့သည်မှာ ၁၉ နှစ်ရှိပြီဖြစ်သော်လည်း မြို့နယ်ခန်းမဆောက်လုပ်ခြင်းမရှိပါ။ VIP ခရီးစဉ်တွေ့ဆုံပွဲများ၊ နေ့ကြီးရက်ကြီးများတွင် ပြုလုပ်သောအခမ်းအနားများတွင် လူ ၂၀၀ ခန့်ဆံ့သော မြို့နယ်အထွေထွေအုပ်ချုပ်ရေးဦးစီးဌာနခန်းမကိုသာ အသုံးပြုနေရပါသည်။ လေးမျက်နှာမြို့နယ် သည် ဧရာဝတီတိုင်းဒေသကြီးတွင် ဖွံ့ဖြိုးမှုအားအနည်းဆုံးဖြစ်၍ လူထုအနေနှင့် ခန်းမဆောက်လုပ် နိုင်ခြင်းမရှိပါ။ သို့ဖြစ်ပါ၍ လေးမျက်နှာမြို့နယ်အတွက် လိုအပ်လျက်ရှိသော လူ ၁၀၀၀ ခန့်ဆံ့ မြို့နယ် ခန်းမတည်ဆောက်ပေးနိုင်ခြင်း ရှိ၊ မရှိ မေးမြန်းထားပါသည် ။