(က)-အရှုံးပေါ်၍ ရပ်ဆိုင်းထားသော ဓာတ်မြေသြဇာစက်ရုံများကို ပုဂ္ဂလိကလုပ်ငန်းရှင်များနှင့် ပူးပေါင်းပြီး ဓာတ်မြေသြဇာများကို ပြန်လည်ထုတ်လုပ်နိုင်ရန် ဆောင်ရွက်နေခြင်းရှိ/မရှိနှင့် စပ်လျဉ်းသည့် မေးခွန်း
မြန်မာနိုင်ငံသည် တစ်ချိန်က ပြည်ပသို့ ဆန်တင်ပို့မှုအများဆုံးဖြစ်ခဲ့ပါကြောင်း၊ စိုက်ပျိုးရေးကို အခြေခံသည့် နိုင်ငံဖြစ်သည့်အားလျော်စွာ လယ်ယာထွက်ကုန်တိုးတက်မြင့်မားရေးအတွက်လည်း မဖြစ်မနေ လိုအပ်သော ဓာတ်မြေသြဇာကို နိုင်ငံခြားငွေသုံး၍ ပြည်ပမှဝယ်ယူ တင်သွင်းနေရသည့် အစား သွင်းကုန် အစားထိုးသည့်အနေဖြင့် ပြည်တွင်းမှာအဆင်သည့်ရှိနေသော ဓာတ်မြေသြဇာ စက်ရုံများအား လိုအပ် သည့်နည်းပညာနှင့် အရင်းအနှီးများကို ပြည်တွင်းနှင့်ပြည်ပကုမ္ပဏီများ ပူးပေါင်း၍ အဆင့်မြှင့်တင်ရန် ပြုပြင်တည်ဆောက်ပြီး ထုတ်လုပ်ဖြန့်ဖြူးရန်အထူးလိုအပ်ပါကြောင်း၊
မိမိတို့နိုင်ငံတွင် ဓာတ်မြေသြဇာစက်ရုံငါးရုံရှိပါကြောင်း၊ (၁) စလေစက်ရုံ၊ (၂) ကျွန်းချောင်းနှင့် (၃) ကျော်စွာတို့ကို ရပ်ထားသည်မှ ခုနစ်နှစ်၊ ရှစ်နှစ်လောက်ရှိပါကြောင်း၊ (၄) မြောင်းတကာ (၅) ကန်ကြီးထောင့်ဓာတ်မြေသြဇာစက်ရုံ တို့ဖြစ်ပါကြောင်း၊ စက်ရုံ(၁) ၊ စက်ရုံ(၄) နှင့် စက်ရုံ(၅) တို့သာလည်ပတ်နေသော်လည်း စက်ရုံ(၄)နှင့်စက်ရုံ(၅)တို့သည် အရှုံးများဖြစ်ပေါ်နေပါကြောင်း၊ စက်ရုံအမှတ်(၄) မြောင်းတကာစက်ရုံကို လေ့လာတွေ့ရှိချက်အရ နိုဝင်ဘာလ ၂၀၁၀ ခုနှစ်တွင် စတင်ထုတ်လုပ်ခဲ့ရာ ၂၀၁၁ ခုနှစ်၊ ၂၀၁၂ ခုနှစ်၊ ၂၀၁၃ ခုနှစ်၊ ၂၀၁၄-၂၀၁၅ ဘဏ္ဍာရေးနှစ်များတွင် အမြတ်ငွေများစွာရရှိသော်လည်း ၂၀၁၂-၁၃ ဘဏ္ဍာရေးနှစ်တွင်အမြတ်ငွေ အများဆုံးရရှိခဲ့သော် လည်း ၂၀၁၅ ခုနှစ်မှစပြီး ၂၀၁၆- ၁၇ ဘဏ္ဍာရေးနှစ်များတွင် ယခုလက်ရှိအရှုံးပေါ်နေပါကြောင်း၊ ၂၀၁၂-၁၃ ခုနှစ်တွင်အများဆုံးထုတ်လုပ်နိုင်ခဲ့ပြီး ဖြန့်ဖြူးမှုလည်း အများဆုံး ဖြစ်ခဲ့ပါကြောင်း၊ ၎င်းနောက် စက်ရုံမှ ထုတ်လုပ်မှုကျဆင်းသွားပြီး နိုင်ငံတော်မှအရှုံးနှင့်ရင်ဆိုင်ပြီး လည်ပတ်နေပါ ကြောင်း၊ ဓာတ်မြေသြဇာအရှုံးပေါ်ရခြင်း အကြောင်းအရင်းမှာ စက်ရုံလည်ပတ်သည့်နေရာတွင် လျှပ်စစ်ချို့ယွင်းမှုကြောင့် စက်ရုံရုတ်တရက်ရပ်သွားသည့်အခါ စက်ရုံ သည် High Temperature နှင့် High Pressure သို့ လည်ပတ်နေရာမှရပ်တန့်သွားသဖြင့် Temperature Shot များ၊ Pressure Shot တို့ကြောင့် စက်ချို့ယွင်းမှုသည် စက်စွမ်းအင်ကျဆင်း လာခြင်းကြောင့် ဖြစ်ပါကြောင်း၊ အထူးသဖြင့် ၂၀၁၅-၁၆ ခုနှစ်တွင် စက်ချို့ယွင်းမှု ၁၀၃ ကြိမ် ဖြစ်ပေါ်ခဲ့ပါကြောင်း၊ လျှပ်စစ်ဓာတ်အားလည်း မတည်ငြိမ်သည်ကိုလည်း တွေ့ရရှိရပါကြောင်း၊ ကန်ကြီးထောင့်စက်ရုံသည် ၂၀၁၁-၁၂ ဘဏ္ဍာရေး နှစ်တွင် အမြတ်ရရှိပြီး ၂၀၁၂-၁၃ ခုနှစ်၊ ၂၀၁၃-၁၄ ခုနှစ်၊ ၂၀၁၄-၁၅ ခုနှစ်၊ ၂၀၁၅-၁၆ ခုနှစ်၊ ၂၀၁၆-၁၇ ခုနှစ်များတွင် အရှုံးများပေါ်ခဲ့ပါကြောင်း၊ အရှုံးတွေပေါ်နေရသည့်အကြောင်းအရင်းများမှ စက် ပျက်၍ပြုပြင်ရခြင်း၊ ယူရေးနီးယား လက်ကျန်နည်းခြင်း၊ နှုန်းရှင်ငွေလဲနှုန်း မြင့်တက်လာခြင်း၊ ကြွေးဆပ် ရသည့်ကြွေးစရိတ်များကြောင့် ရှံးခဲ့ရပါကြောင်း၊၂၀၁၆-၁၇ ပထမနှစ်ဘဏ္ဍာရေးနှစ်တွင် ၂၀၁၆ ခုနှစ်ထိထုတ်လုပ်သည့် ယူရေးနီးယား ပမာဏမှာလည်း သိုလှောင်ရုံအခက်အခဲကြောင့် စက်ရုံ ရပ်နားထားရပါကြောင်း၊
ဓာတ်မြေသြဇာသည် စိုက်ပျိုးရေးနိုင်ငံအတွက် လိုအပ်ပါကြောင်း၊ လက်ရှိလည်ပတ်နေသည့် စလေဓာတ်မြေသြဇာစက်ရုံ ၊ မြောင်းတကာဓာတ်မြေသြဇာစက်ရုံ၊ ကန်ကြီးထောင့်ဓာတ်မြေသြဇာ စက်ရုံများသည်လည်း အရှုံးပေါ်နေသည့်အတွက် ဝန်ကြီးဌာနအနေဖြင့် မြတ်အောင်၊ အလုပ်ဖြစ် အောင်၊ ဓာတ်မြေသြဇာများထွက်ပြီး တောင်သူလယ်သမားများကို ဖြန့်ဖြူးနိုင်အောင် မည်ကဲ့သို့ ဆက်လက်ဆောင်ရွက်ရန်နှင့် မည်သည့်အစီအမံ များချထားသည်ကို သိရှိလိုပါကြောင်း မေးမြန်းပါ သည်။