ဒေါ်စုစုလွင်

အမည်

 ဒေါ်စုစုလွင်

အခြားအမည်

ဦးနီ

လူမျိုး/ဘာသာ

ဗမာ/ဗုဒ္ဓ

မွေးသက္ကရာဇ်/အသက်

၂၂-၄-၁၉၅၂/(၆၃)နှစ်

မွေးဖွားရာဇာတိ

ရန်ကုန်မြို့

ပညာအရည်အချင်း

မဟာဝိဇ္ဇာ(အင်္ဂလိပ်စာ)

လက်ရှိအလုပ်အကိုင်

ပြည်သူ့လွှတ်တော်ကိုယ်စားလှယ်၊ သုံးခွမြို့နယ်

အမိအမည် ၊ မှတ်ပုံတင်အမှတ်၊ အလုပ်အကိုင်

ဒေါ်တင်တင်မလေး၊ ၁၂/ဗဟန(နိုင်)၀၆၆၁၆၆(ကွယ်လွန်)

ကိုယ်စားပြုပါတီနှင့် ပါတီတာဝန်/တစ်သီးပုဂ္ဂလ

အမျိုးသားဒီမိုကရေစီအဖွဲ့ချုပ်၊ ဗဟိုကော်မတီဝင်

ရွေးကောက်တင်မြှောက်ခြင်းခံရ သည့်မဲဆန္ဒနယ်

ပြည်သူ့လွှတ်တော်ကိုယ်စားလှယ်၊ သုံးခွမြို့နယ်၊ (ပထမအကြိမ် - ၂၀၁၂ ခုနှစ်၊ ကြားဖြတ်ရွေးကောက်ပွဲ)

ဖြစ်စဉ်အကျဉ်းချုပ်(ယနေ့အထိ)

Methodist English High School ၊ Radnar  Elementary School (Bethesda Md.USA)၊ အမှတ်(၃) အ.ထ.က(မော်လမြိုင်)နှင့် အမှတ်(၂) အ.ထ.က (ကမာရွတ်)တို့တွင် အခြေခံပညာသင်ယူခဲ့သည်။ ပညာရေးတက္ကသိုလ်(ရန်ကုန်)သို့ တက်ရောက် ပညာသင်ကြားခဲ့ပြီး မဟာဝိဇ္ဇာဘွဲ့(အင်္ဂလိပ်စာ)ရရှိခဲ့ပါသည်။ ထို့အပြင် Sydney University(Australia)၌လည်း ပညာသင်ကြားခဲ့ပါသည်။ 
၁၉၇၆ မှ ၁၉၈၉ ထိ ရန်ကုန်တက္ကသိုလ်၊ အင်္ဂလိပ်စာဌာနတွင် နည်းပြမှ ကထိက ရာထူးအထိတာဝန်ထမ်းဆောင်ခဲ့သည်။ ထို့အပြင် ၁၉၉၀ မှ ၂၀၀၅ ထိ Programme Officer (Education) UNICEF Yangon၊ အလွတ်တန်းပညာရေး အကြံပေးနှင့် စေတနာ့ဝန်ထမ်း၊ ၂၀၀၅ မှ ၂၀၁၂ ထိ ဘ/က ပညာရေးစီမံကိန်း ရေးဆွဲရေးနှင့် နည်းပြလုပ်ငန်းများ ဆောင်ရွက်ခဲ့သည်။
၁၉၈၈ ခုနှစ် ဆရာသမဂ္ဂ(ရန်ကုန်တက္ကသိုလ်)နှင့်ပညာရေးသုတေသန ဝန်ထမ်းသမဂ္ဂတို့တွင် ပါဝင်ခဲ့သည်။ ၁၉၉၀ မှ ၂၀၁၂ အထိ အမျိုးသားဒီမိုကရေစီ အဖွဲ့ချုပ် လိုလားသူအနေဖြင့် ဒေါ်အောင်ဆန်းစုကြည်နှင့် ဖခင်နိုင်ငံရေးလုပ်ငန်း များတွင် ပါဝင်ကူညီခဲ့သည်။ ၂၀၀၅ မှ ၂၀၁၂ ထိ ဘ/က ပညာရေးလုပ်ငန်းများကို စေတနာ့ဝန်ထမ်းအဖြစ် လုပ်ဆောင်ခဲ့သည်။ ၂၀၁၂ မှ ယနေ့အထိ သုံးခွမြို့နယ်၊ ပြည်သူ့လွှတ်တော်ကိုယ်စားလှယ်အဖြစ် ဆောင်ရွက်လျက်ရှိသည်။ ၂၀၁၂ ခုနှစ်တွင် အမျိုးသားဒီမိုကရေစီအဖွဲ့ချုပ်ပါတီဝင်နှင့် ၂၀၁၃ ခုနှစ်တွင် အမျိုးသားဒီမိုကရေစီ အဖွဲ့ချုပ်ဗဟိုကော်မတီဝင်ဖြစ်သည်။